កំពង់ឆ្នាំង ៖ កិច្ចប្រជុំសាមញ្ញលើកទី២១អាណត្តិទី៣ ក្រុមប្រឹក្សាខេត្តកំពង់ឆ្នាំង ត្រូវបានធ្វើឡើងកាលពីព្រឹកថ្ងៃទី៤ ខែមិនា ឆ្នាំ២០២១ ដោយបានប្រព្រឹត្តទៅក្រោមអធិបតីភាព ឯកឧត្តម ឡុង ឈុនឡៃ ប្រធានក្រុមប្រឹក្សាខេត្តកំពង់ឆ្នាំងនិងមានការអញ្ជើញចូលរួមពីសំណាក់ឯកឧត្តម លោកជំទាវ ជាសមាជិកសមាជិកាក្រុមប្រឹក្សាខេត្ត អភិបាលរង នៃគណអភិបាលខេត្ត ព្រមទាំងថ្នាក់ដឹកនាំមន្ទីរ មន្រ្តីជំនាញ តាមមន្ទីរអង្គភាពជុំវិញខេត្តផងដែរ ។ កិច្ចប្រជុំក្រុមប្រឹក្សានាពេលនេះធ្វើឡើង ដើម្បីពិនិត្យ និង ឆ្លងរបាយការណ៍សមិទ្ធផលសកម្មភាពការងាររបស់រដ្ឋបាលខេត្តកំពង់ឆ្នាំងដែលសម្រេចបាននាខែកន្លងមក ។
ឯកឧត្តម អម សុភា អភិបាលរងខេកត្តកំពង់ឆ្នាំង តំណាងឯកឧត្តមឈួរ ច័ន្ទឌឿន អភិបាលខេត្តកំពង់ឆ្នំាង បានឲ្យដឹងថា នៅក្នុងរយៈពេលកន្លងមកនេះ អាជ្ញាធរ មន្រ្តីជំនាញ គ្រប់លំដាប់ថា្នក់បានយកចិត្តក្នុងដំណើរការនៃការអភិវឌ្ឍន៍របស់ខេត្ត នៅតាមបណ្តាលមូលដ្ឋានរៀងខ្លួន ធ្វើឲ្យខេត្តមានការរីកចំរើនជាបន្តបន្ទាប់ផងដែរ ។
ឯកឧត្តមអភិបាលរងខេត្ត បានបញ្ជាក់ទៀតថា ដើម្បីធានាបាននីវសុវត្ថិភាពសុខមាលភាពជូនប្រជាពលរដ្ឋក្នុងបរិបទនៃជំងឺកូវីដ១៩នេះ អាជ្ញាធរគ្រប់មូលដ្ឋានបានចុះធ្វើការផ្សព្វផ្សាយពង្រឹងការអនុវត្តនូវវិធានការអនាម័យ របស់ក្រសួងសុខាភិបាលដើម្បីទប់
ស្កាត់ការរីករាលដាលនៃជំងឺកូវីដ១៩ ។
ជាមួយគ្នានោះ ឯកឧត្តម ឡុង ឈុនឡៃ ប្រធានក្រុមប្រឹក្សាខេត្តកំពង់ឆ្នាំង បានកោតសរសើរ និង វាយតម្លៃខ្ពស់ចំពោះលទ្ធផលសកម្មភាពការងាររបស់គណអភិបាលខេត្ត កងកំលាំងមានសមត្តកិច្ច មន្រ្តីរាជការគ្រប់លំដាប់ថ្នាក់ដែលបានរួមសហការគ្នា ក្នុងការកសាងនិងអភិវឌ្ឍន៍ខេត្ត ដែលធ្វើអោយខេត្តកំពង់ឆ្នាំង មានការអភិវឌ្ឍន៍លើគ្រប់វិស័យ ។ ធ្វើអោយប្រជាពលរដ្ឋមានជីវភាពប្រសើរឡើងថែមទៀត ឆ្លើយតបនឹងតម្រូវការជាក់ស្តែងរបស់ប្រជាពលរដ្ឋនៅតាមមូលដ្ឋាន ។
ឯកឧត្តម ឡុង ឈុនឡៃ បានបញ្ជាក់ថា បើទោះបីស្ថិតនៅក្នុងបរិបទ នៃការឆ្លងរីករាលដាលនៃជំងឺកូវីដ១៩ ក៏ដោយខេត្តកំពង់ឆ្នាំងនៅតែបន្តអភិវឌ្ឍន៍លើគ្រប់វិស័យ ប៉ុន្តែតម្រូវការ និងសំណូមពររបស់ប្រជាពលរដ្ឋនៅតែមាន ដែលទាមទារឲ្យអាជ្ញាធរខេត្ត មន្រ្តីជំនាញបន្តចូលរួមដោះរាល់បញ្ហាប្រឈមដែលកើតឡើងនៅក្នុងមូលដ្ឋាន ពិសេសគឺការផ្តល់សេវាសាធារណៈប្រកបដោយប្រសិទ្ធភាពខ្ពស់ និង ពង្រឹងការអនុវត្តគោលនយោភូមិឃុំមានសុវត្ថិភាព។ ជាមួយនេះក៏ត្រូវបង្កើនការផ្សព្វផ្សាយ និងតាមដានយ៉ាងយកចិត្តទុកដាក់នៅតាមសហគមន៍ មូលដ្ឋានរបស់ខ្លួនក្នុងការទប់ស្កាត់ការរីករាលដាលនៃជំងឺកូវីដ១៩ អោយមានប្រសិទ្ធិភាព ៕
