អ្នកនាំពាក្យក្រសួងការពារជាតិឲ្យដឹងថាកម្លាំងចម្រុះជាង២០នាក់កំពុងប្រតិបត្តិការរុករកប្រជាពលរដ្ឋពីររូបដែលកំពុងបាត់ខ្លួនដោយសារជំនន់ទឹកភ្លៀងធ្វើឲ្យបាក់ដីភ្នំសង្កត់កាលពីថ្ងៃទី១៦ កន្លងទៅ។
ឯកឧត្តម ឈុំ សុជាតិ អ្នកនាំពាក្យក្រសួងការពារជាតិ បានសរសេរលើទំព័រហ្វេសប៊ុកនារសៀលនេះថាកម្លាំងចម្រុះចំនួន២៥នាក់កំពុងប្រតិបត្តិការតាមរកប្រជាពលរដ្ឋទាំងពីររូប។ អ្នកទាំងពីរបានបាត់ខ្លួនកាលពីថ្ងៃទី១៦ ខែកញ្ញា ឆ្នាំ២០១៩ នៅត្រង់ចំណុចព្រំដែនកម្ពុជា-ថៃ ច្រកពាមតា ឃុំតាតោក ស្រុកសំឡូត ខេត្តបាត់ដំបង។ ឯកឧត្តមឲ្យដឹងទៀតថាដោយសារតែពលរដ្ឋខ្មែរទាំងពីររូបនេះ បាត់ខ្លួននៅក្នុងទឹកដីថៃ ភាគីកម្ពុជាក៏បាន សហការជាមួយភាគីថៃដើម្បីរុករកជនរងគ្រោះផងដែរ។
ដកស្រង់ពី http://news.sabay.com.kh/article/1165204#utm_campaign=onpage
