កំពង់ឆ្នាំង៖ ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង រួមដំណើរដោយលោក អ៊ុក រស់ ប្រធានមន្ទីររ៉ែ និងថាមពល លោក ម៉ុន វុត្ថា នាយកទីចាត់ការហិរញ្ញវត្ថុសាលាខេត្ត និងមន្ត្រីជំនាញពាក់ព័ន្ធ កាលពីល្ងាចថ្ងៃទី៣១ ខែសីហា ឆ្នាំ២០២០ បានចុះពិនិត្យការរៀបចំតម្លើងភ្លើងបំភ្លឺសាធារណៈ នៅផ្លូវលេខ១៥។
ការរៀបចំតម្លើងភ្លើងបំភ្លឺនោះគឺតភ្ជាប់ពីផ្លូវជាតិលេខ៥ ក្នុងសង្កាត់កំពង់ឆ្នាំង ក្រុងកំពង់ឆ្នាំង ឆ្ពោះទៅផ្លូវលេខ៥៣ ក្នុងឃុំស្រែថ្មី ស្រុករលាប្អៀរ ខេត្តកំពង់ឆ្នាំង។
ឯកឧត្ដមអភិបាលខេត្ត បានណែនាំឱ្យជំនាញពាក់ព័ន្ធដែលទទួលខុសត្រូវ ត្រូវសិក្សានិងយកចិត្តទុកដាក់ ដើម្បីសម្រេចតាមផែនការ ដើម្បីលើកកម្ពស់សោភ័ណភាពក្នុងក្រុងឱ្យកាន់តែល្អប្រសើរថែមទៀត ៕
