កំ​ពង់​ឆ្នាំង បាត់​ឳ​កាស​​ឡើងវគ្គ​ពាក់​កណ្តាល​ផ្តាច់​ព្រ័ត្រ នៃ​ពាន​​​សម្តេច ហ៊ុន​សែន ថ្នាក់​​ខេត្ត​ ​ក្រោយ​ចាញ់ ​កែប ​ទាំង​ពីរ​ជើង​

ខេត្តកំពង់ឆ្នាំង បាត់បង់ឳកាសបន្តដំណើរទៅកាន់វគ្គពាក់កណ្តាលផ្តាច់ព្រ័ត្រ នៃ​ពានរង្វាន់​សម្តេច ហ៊ុន សែន ថ្នាក់​ខេត្ត ក្រោយពីចាញ់ ខេត្តកែប ទាំងពីរជើងនៅ​វគ្គ​៨​ក្រុម​ចុងក្រោយ​(១/៤)​។

ក្នុង​ជំនួ​បប្រកួត​ជើងទី២​នៅ​កីឡដ្ឋានវិទ្យាល័យកំពង់​ត្រឡាច ក្នុង​ខេត្តកំពង់ឆ្នាំង កាលពីរសៀល​ថ្ងៃទី​០៨ ខែកក្កដា ​​ក្រុម​ភ្ញៀវ​​ខេត្តកែប បានសម្រេច​​គ្រាប់​​បាល់​​នាំមុខ ១-០ ដោយកីឡាករ ជឿន ណា​ចារ ​នៅ​នាទី​ទី​១២ ។ ​ក្រោយមកនៅនាទីទី២១ ​ ខេត្តកំពង់ឆ្នាំង បា​នរក​គ្រាប់​បាល់​តាម​ស្មើ ១-១ ហើយ​លទ្ធផល​នេះ បានរក្សា​រហូតដល់​ចប់​វគ្គ​ទី​១​។

នៅ​វគ្គ​ទី​២ ​នៅ​​នាទី​​ទី​៨៦​​ កីឡាករ ជឿន ណា​ចារ ក៏បាន​សម្រេច​គ្រាប់​បាល់​​ទី​ពីរ បន្តការនាំ​មុខ​ម្ចាស់ផ្ទះ ២-១ ។ ក្រុម​ទាំងពីរ​​បាន​រក្សា​លទ្ធផល​​នេះ​រ​ហូត​ចប់​ការ​ប្រកួត​។

គួរ​បញ្ជាក់ថា កាលពី​​ប្រកួត​ជើង​ទី​១ ខេត្តកែប បានយកឈ្នះខេត្តកំពង់ឆ្នាំង ក្នុងទឹកដីរបស់ខ្លួន​ក្នុង​លទ្ធផល ៤-៣​ ។ តាមរយៈជ័យជម្នះ​ទាំងពីរ​ជើងក្នុងលទ្ធផល ៦-៤ ​ ធ្វើអោយ​​ខេត្ត​កែប ទទួល​បាន​កៅអី​ឡើង​ទៅ​វគ្គ​ពាក់​កណ្តាល​ផ្តាច់​ព្រ័ត្រ​ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង