កុមារ​និង​មនុស្ស​ចាស់​ ​នៅក្នុង​អង្គការ​​មូល​និធិ​កុមារ​កម្ពុជា​ (CCF) ​​ទទួលបាន​ការ​យក​ចិត្តទុក​ដាក់​ពីសំណាក់​សម្ដេច​តេជោ ហ៊ុន​ សែន​ និង​សម្ដេច​កិត្តិព្រឹទ្ធ​បណ្ឌិត​

កុមារៗ​ និងមនុស្សចាស់​​នៅក្នុងអង្គការមូល​និធិកុមារ​កម្ពុជា (CCF) ទទួលបាន​​ការយក​ចិត្តទុកដាក់​ពីសំណាក់​សម្ដេច​តេជោ ហ៊ុន សែន និង​សម្ដេច​កិត្តិព្រឹទ្ធបណ្ឌិត តាមរយៈ​ឯកឧត្តម​ ហ៊ុន ម៉ាណែត និងលោកជំទាវ​​ ​ពេជ ចន្ទមុន្នី ដោយបាន​ផ្ដល់ជា​​សម្ភារៈ ថវិកា និង​​គ្រឿង​​ឧប​ភោគ​បរិភោគ​ដល់កុមារ​ៗ និងមនុស្សចាស់​នៅក្នុងអង្គការ​នេះ​។

នៅថ្ងៃទី ០៨ ខែកក្កដា ឆ្នាំ២០២០ នេះ លោកជំទាវ ពេជ ចន្ទមុន្នី អនុប្រធាន​ក្រុមប្រឹក្សា​ភិបាល​សមាគម​គ្រូពេទ្យស្ម័គ្រ​ចិត្តយុវជន​សម្តេច​តេ​ជោ បាន​នាំ​យកអំណោយមីចំនួន​៥០០កេស​ដែលជាអំណោយ​ផ្ទាល់ខ្លួន និងអង្ករ​ចំនួន ៥តោន​ដែលជា​អំណោយ​អង្គការឆឺជី ប្រគល់​ជូន​ដល់​អង្គការ​នេះ​។

លោក Scott Neeson នាយក​អង្គការមូលនិធិ​កុមារ​កម្ពុជា (CCF) បានគោរព​ថ្លែងអំណរ​គុណ​យ៉ាងជ្រាល​ជ្រៅ​ចំពោះ​សម្ដេចតេជោ​ ហ៊ុន ​សែន​ និង​សម្ដេចកិត្តិព្រឹទ្ធបណ្ឌិត​ តាមរយៈ​ឯកឧត្តម ហ៊ុន ម៉ាណែត និងលោកជំទាវ​ ពេជ ចន្ទមុន្នី ដែល​តែង​តែគិត​គូរពី​សុខទុក្ខ ការ​សិក្សា និង​ការ​រស់​នៅ​របស់​ក្មួយៗកុមារ និងមនុស្សចាស់​នៅក្នុងអង្គការCCF​នេះ នាពេល​កន្លងមក តាមរយៈ​ការផ្ដល់សម្ភារៈ ​ថវិកា គ្រឿងឧបភោគ​ បរិភោគ​ជា​ច្រើន​ទៀត​៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង