ក្មេង​ប្រុស​២នាក់​ចុះលេង​ទឹ​កស្រះ​ បណ្តាល​ឲ្យ​លង់​ស្លាប់​ ខណៈ​ឪពុក​ម្តាយ​មិន​នៅផ្ទះ​

កំពង់ឆ្នាំង ៖ ក្មេង​ប្រុស​២នាក់​ត្រូវជា​បងប្អូន​ជីដូន​មួយ បាន​នាំគ្នា​ចុះលេងទឹ​កស្រះ​ បណ្តាល​ឲ្យ​លង់​ស្លាប់ ​​ខណៈ​ឪពុក​ម្តាយ​មិន​នៅ​ផ្ទះ​​យក​​ទៅ​ផ្ញើ​ជាមួយ​ជីតា​ ។ ហេតុការ​ណ៍នេះ បានកើតឡើង​នៅវេលា​ម៉ោង​២រសៀល ​ថ្ងៃទី​៣០ ខែ​មិថុនា​ ឆ្នាំ​២០​២០​ នៅ​ក្នុង​ភូមិ​​ត្រដក់​ពង ឃុំ​ខ្នា​ឆ្មារ​ ស្រុក​សាមគ្គី​មាន​​ជ័យ ខេត្តកំពង់​ឆ្នាំង​ ។

យោង​តាម​របាយ​ការណ៍​របស់មន្ត្រីអាជ្ញា​ធរ​មូលដ្ឋាន​ បាន​ឲ្យ​ដឹង​ថា ក្មេង​រងគ្រោះ​ទាំង២​នាក់នេះ​​ម្នាក់​ឈ្មោះ រស់ សំណាង ភេទ
ប្រុស​ ​អាយុ២​ឆ្នាំ និង ម្នាក់ទៀតឈ្មោះ រស់ ​សុជាតិ ភេទ​ប្រុស អាយុ២​ឆ្នាំ ។ ពួកគេ​ទាំង​២នាក់ ត្រូវ​ជាបង​ប្អូន​ជីដូន​មួយ រស់​នៅ​ក្នុង​ភូមិ ឃុំកើត​ហេតុ​ខាង​លើ ។​

ប្រភព​បាន​ឲ្យ​ដឹង​ទៀត​ថា មុន​ពេលកើត​ហេតុ ឪពុក​ម្តាយ​ក្មេង​ប្រុស​រង​គ្រោះទាំ​ង២នា​ក់ មិ​ន​នៅផ្ទះ​ទេ​ដោយ​បាន​យក​កូន​ទៅផ្ញើ​នឹង​ជីតាឲ្យ​ជួយមើល​ ។ ស្រាប់​តែពួក​គេនាំគ្នា​ចុះលេ​ងទឹ​ក​ស្រះ​បណ្តាល​​ឲ្យ​លង់​ស្លាប់​តែម្ត​ង ៕​

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង