ត្រី​ចិញ្ចឹម​តាម​បែ​រាប់​រយ​តោន​នៅ​ខេត្ត​កំពង់​ឆ្នាំង​ បាន​ងាប់​ជា​បន្ត​បន្ទាប់​

កំពង់ឆ្នាំង ៖ ត្រីចិញ្ចឹមតាមបែចំនួនរាប់រយតោននៅក្នុងខេត្តកំពង់ឆ្នាំង បានងាប់ជាបន្តបន្ទាប់ ចាប់ពីថ្ងៃទី១ រហូតមកដល់ថ្ងៃទី៥ ខែមេសាឆ្នាំ២០២៣ នេះ ។

លោក លី ឡា នាយខ័ណ្ឌរដ្ឋបាលជលផល នៃមន្ទីរកសិកម្ម រុក្ខាប្រម៉ាញ់ និងនេសាទ ខេត្តកំពង់ឆ្នាំង បានឲ្យដឹងថា ត្រីចិញ្ចឹមនៅក្នុងបែ ជាច្រើនប្រភេទដូចជា ត្រីខ្យា ត្រីឆ្តោ ត្រីសណ្តាយ ត្រីឆ្ពិន និងត្រីព្រលូង បានងាប់ជាបន្តបន្ទាប់ ចាប់ពីថ្ងៃទី១ រហូតមកដល់នឹងថ្ងៃទី៥ ខែមេសា ឆ្នាំ២០២៣នេះ មានចំនួន​១៦០បែក្នុងនោះ ត្រីខ្សាងាប់ចំនួន៩០បែ ស្មើនឹង២៧០តោន ត្រីឆ្តោងាប់ចំនួន២៥បែ ស្មើនឹង២៥តោន ត្រីចម្រុះមានត្រីឆ្ពិន ព្រលូង សណ្តាយ និងត្រីប្រាងាប់ចំនួន៤៥បែ ស្មើនឹង៦៧តោន ។

 

លោក លី ឡា បានបញ្ជាក់ឲ្យដឹងថា ចំពោះមូលហេតុដែលបណ្តាលឲ្យត្រីងាប់ជាច្រើនតោននេះ គឺដោយសារអាកាសធាតុក្តៅខ្លាំង និងមានភ្លៀងធ្លាក់មួយមេ បង្ករឲ្យទឹកទន្លេមានក្លិនស្អុយ ដែលជាហេតុបណ្តាលឲ្យត្រីពុល ហើយងាប់ជាបន្តបន្ទាប់ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង