ស្ថានីយប្រព័ន្ធចម្រោះទឹកកខ្វក់ ដែលមានតម្លៃប្រមាណជាង ២២លានដុល្លារ គ្រោងនឹងបើកការដ្ឋានសាងសង់ ក្នុងពេលឆាប់ៗនេះ នៅក្នុងក្រុងកំពង់ចាម ខេត្តកំពង់ចាម។

លោក ហូ រដ្ឋា បន្តថា យ៉ាងណាក៏ដោយ ក្នុងដំណើរការសាងសង់អាចមានផល ប៉ះពាល់លំនៅឋាន ខ្លះៗ របស់ប្រជាពលរដ្ឋ ដែលតម្រូវឲ្យពួកគាត់ជួយសហការជាមួយនឹងក្រុមការងារ ដើម្បីឲ្យដំណើរ ការសាង សង់បានទៅដោយរលូនផងដែរ។
ជាមួយគ្នានេះ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន ក៏បានណែនាំដល់អាជ្ញាធរខេត្តកំពង់ចាម សូមឱ្យត្រៀមរៀបចំធនធានមនុស្សទុកឲ្យហើយ ដើម្បីចូលទៅគ្រប់គ្រងសមិទ្ធផលនេះ ។ ពីព្រោះបញ្ហានេះ បានកើតមានឡើងតាមបណ្ដាខេត្តផ្សេង ដែលក្រោយពេលទទួលសមិទ្ធផល ហើយជួបបញ្ហាក្នុងការរៀបចំធនធានមនុស្សដើម្បីគ្រប់គ្រង ។ ដូច្នេះសម្រាប់ខេត្តកំពង់ចាម សូមឱ្យ អាជ្ញាធ រជ្រើសរើសមន្ត្រីដើម្បីគ្រោងទុក ចូលទៅគ្រប់គ្រងនៅពេលដែលសមិទ្ធផលនោះបានកសាងរួចរាល់ជាស្ថាពរ ៕
