ក្រុង​​កំព​ង់​ចាម នឹងសា​​ង​​សង់​ស្ថា​​នីយ​ចម្រោះ​ទឹក​កខ្វក់ ដែល​​មា​ន​តម្លៃ​​ជាង​២២​​លាន​​ដុល្លារ

ស្ថានីយប្រព័ន្ធចម្រោះទឹកកខ្វក់  ដែលមានតម្លៃប្រមាណជាង ២២លានដុល្លារ គ្រោងនឹងបើកការដ្ឋានសាងសង់ ក្នុងពេលឆាប់ៗនេះ នៅក្នុងក្រុងកំពង់ចាម ខេត្តកំពង់ចាម។

ក្នុងកិច្ចប្រជុំពិភាក្សានៅសាលាខេត្តកំពង់ចាម កាលពីថ្ងៃទី ១៩ ខែធ្នូ ឆ្នាំ ២០២២ លោក ហូ រដ្ឋា មន្ត្រីខាង​ក្រុមប្រឹក្សាបច្ចេកទេស បានឲ្យដឹងថា ការរៀបចំប្រព័ន្ធស្ថានីយ ចម្រោះទឹកកខ្វក់ក្នុងក្រុង កំពង់ចាម គឺបែងចែកជាតំបន់ ដែលត្រូវប្រមូលទឹកកខ្វក់ចេញពី ផ្ទះប្រជាពលរដ្ឋ និងតំបន់អាគារ  ពាណិជ្ជកម្ម ចូលទៅក្នុងតំបន់ធំមួយដើម្បីចម្រោះទឹកស្អុយ ដែលអាចយកមកប្រើប្រាស់ស្រោច ស្របបាន ដូចជាលក្ខណៈទឹកធម្មជាតិ។

លោក ហូ រដ្ឋា បន្តថា យ៉ាងណាក៏ដោយ ក្នុងដំណើរការសាងសង់អាចមានផល ប៉ះពាល់លំនៅឋាន ខ្លះៗ របស់ប្រជាពលរដ្ឋ ដែល​​តម្រូវ​​ឲ្យពួកគាត់ជួយសហការជាមួយនឹងក្រុមការងារ ដើម្បីឲ្យដំណើរ ការសាង សង់បានទៅដោយរលូនផងដែរ។

ជាមួយគ្នានេះ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន ក៏បានណែនាំដល់​​អាជ្ញា​ធរ​​ខេត្តកំពង់ចាម សូម​​ឱ្យត្រៀម​​រៀប​​ចំ​​​ធនធានមនុស្សទុកឲ្យហើយ ដើម្បីចូលទៅគ្រប់គ្រងសមិទ្ធផលនេះ ។ ពីព្រោះបញ្ហានេះ បានកើតមានឡើងតាម​បណ្ដា​​​​ខេត្ត​​ផ្សេង ដែលក្រោយពេលទទួលសមិទ្ធផល  ហើយ​​ជួបបញ្ហាក្នុងការរៀបចំធនធានមនុស្សដើម្បីគ្រប់គ្រង ។ ដូច្នេះ​​សម្រាប់​​ខេត្ត​​កំពង់​​ចាម សូមឱ្យ អាជ្ញាធ  រជ្រើសរើសមន្ត្រីដើម្បីគ្រោងទុក ចូលទៅគ្រប់គ្រងនៅពេលដែលសមិទ្ធផល​នោះបាន​កសាង​​រួច​រាល់​ជាស្ថាពរ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង