ថ្នាក់​ដឹក​នាំ និង​ប្រជា​រាស្រ្ត ក្នុង​ខេត្ត​កំពង់​ឆ្នាំង ថ្វាយ​ព្រះព​រ​ព្រះ​មហា​ក្សត្រ នា​ឱកាស​ខួប១៨​ឆ្នាំ ​នៃ​​​ការយាង​​គ្រង​ព្រះ​បរម​សិរី​រាជស​ម្បត្តិ

កំពង់ឆ្នាំង៖ នៅថ្ងៃទី២៩ ខែតុលា ឆ្នាំ២០២២នេះ ​គឺជាខួបលើកទី១៨ឆ្នាំ​ ​​នៃការយាងគ្រង​​ព្រះ​​បរម​សិរីរាជសម្បត្តិ​របស់ព្រះមហាក្សត្រ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី។ ដូច​​រៀ​​ងរាល់​​ឆ្នាំដែរ ​ក្រៅពីបានកំណត់ជាថ្ងៃបុណ្យជាតិ ​ ទាំងក្រុម​​ប្រឹ​ក្សា គណៈអភិបាលខេត្ត ថ្នាក់ដឹកនាំ មន្ត្រី​រាជការ កងកម្លាំងប្រដាប់អាវុធ និងប្រជារាស្ត្រទូទាំងខេត្តកំពង់ឆ្នាំង សុទ្ធតែបា​នផ្ញើសារ​​លិខិត​ថ្វាយព្រះពរព្រះអង្គ ក្នុងឱកាស​ដ៏មហានក្ខត្តរិកនេះ ​ ។

ដោយ​ឡែក នៅតាមសាលាខេត្តកំពង់ឆ្នាំង មន្ទីរ ស្ថាប័នរដ្ឋ ស្ថាប័នឯកជន និងតាម​ទីសាធារណៈ​នានា នៅក្នុងខេត្ត ក៏​បានតាំង​ព្រះ​បរម​​ឆា​​យាល័ក្ខណ៍ ទង់ជាតិ ទង់សាសនា និងទង់​ព្រះមហាក្សត្រ ​​ ដើម្បី​អបអរព្រះរា​ជពិធីដែលកំណ​ត់ជា​ថ្ងៃឈប់​​សំរាក​ទូទាំង​ប្រ​​ទេ​​ស​​​​ផងដែរ ។ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ជាព្រះរាជបុត្រានៃព្រះបរមរតនកោដ្ឋ ព្រះវររាជបិតា នរោត្តម សីហនុ និង សម្តេចព្រះវររាជមាតា សម្តេចព្រះមហាក្សត្រី នរោត្តម មុនិនាថ សីហនុ។ ព្រះអង្គប្រសូតនៅថ្ងៃទី១៤ ខែឧសភា ឆ្នាំ១៩៥៣ នៅ​រាជ​ធានី​​ភ្នំពេញ។

កាលពីថ្ងៃទី២៩ តុលា ២០០៤ ព្រះ​អង្គ ត្រូវបានក្រុមប្រឹក្សារាជស​ម្បត្តិដែលមានសមាសភាព៩អង្គ/រូប ជ្រើសតាំងជាព្រះមហាក្សត្រ បន្តពីព្រះ​បិតាដែលបានដាក់រាជ្យ នៅថ្ងៃទី៧ ខែតុលា ឆ្នាំ២០០៤ ។ ព្រះ​រាជ​​ពិ​ធីរាជាភិសេក ព្រះអង្គជាផ្លូវការ ត្រូវបានប្រារព្ធឡើង​នៅ​​ក្នុង​ព្រះបរមរាជវាំង កាលពីថ្ងៃទី២៩ ខែ​​តុលា ឆ្នាំ២០០៤ ដោយមានការយាង និងអញ្ជើញចូលរួមពីព្រះញាតិវង្ស ថ្នាក់ដឹកនាំ​ស្ថាប័ន​កំពូលៗ​រប​ស់ជាតិ មន្ត្រីរាជការ និងភ្ញៀវជាតិ អន្តរជាតិយ៉ា​ងច្រើនកុះករ៕

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង