កំពង់ឆ្នាំង៖ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និង ជាប្រធានក្រុមការងារ រាជរដ្ឋាភិបាលចុះមូលដ្ឋាន ក្រុងកំពង់ឆ្នាំង ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត ឯកឧត្តម អម សុភា និង លោកជំទាវ ប៊ន សុភី អភិបាលរងខេត្តកំពង់ឆ្នាំង ព្រមទាំងថ្នាក់ដឹកនាំមន្រ្តីរាជការបាននាំយកនូវទៀនព្រះវស្សា ទេយ្យវត្ថុ រួមនឹងសម្ភារៈបរិក្ខារ ព្រមទាំងបច្ច័យមួយចំនួនទៀត មកប្រគេនដល់ព្រះសង្ឃង ដែលគង់ចាំព្រះវស្សា អស់កាលត្រីមាសនៅវត្តទាំង១០នៅក្នុងក្រុងកំពង់ឆ្នាំង ខេត្តកំពង់ឆ្នាំង ។
ពិធីប្រគេនទៀនវស្សានេះធ្វើឡើង នាព្រឹកថ្ងៃទី២៣ ខែកក្កដា ឆ្នាំ២០២២ នៅវត្តអារញ្ញិការរាម ស្ថិតសង្កាត់កំពង់ឆ្នាំង ក្រុងកំពង់ឆ្នាំង ។
លោកជំទាវ ជូ ប៊ុនអេង រួមជាមួយថ្នាក់ដឹកខេត្ត មន្ត្រីរាជការ បានប្រគេនទៀនវស្សា បច្ច័យ និង ទេយ្យវត្ថុដល់ព្រះគ្រូចៅអធិការវត្ត តំណាងឲ្យវត្តនិមួយៗ ក្នុង១វត្ត ទទួលបានបច្ច័យចំនួន៨០ម៉ឺនរៀល,ទៀនព្រះ វស្សា១គូរ,អង្ករ៥០គីឡូក្រាម, មី១កេស,ទឹកត្រី១យួរ,ទឹកស៊ីអីវ១យួរ,ត្រីខ១យួរ និង ស្លាដក១ផងដែរ ។ ដោយឡែកលោកតាអាចារ្យជូន៤ម៉ឺនរៀលនិង តាជី យាជី ម្នាក់ៗជូន២ម៉ឺនរៀល ៕
