តារាវ័យក្មេង នីតា វរវង្ស បានភ្ញាក់ផ្អើលខ្លាំង នៅពេលដែលកញ្ញាត្រូវបាន ផលិតករជាច្រើនចាប់ អារម្មណ៏ហើយប្តូរអោយនាងថតសម្តែងជាតារាឆ្នាស់។ វរវង្ស មានការងឿងឆ្ងល់ព្រោះសុខៗ បន្តក្តាប់ការសម្តែង បន្តបន្ទាប់គ្នា ក្នុងលក្ខណៈតួអង្គ លេងទឹកមុខកាចៗ ជាច្រើនឈុត។
យ៉ាងណាមិញ វរវង្ស ត្រូវបានមហាជន ដែលនិយមតាមដាន សិល្បៈរបស់នាង មានការសរសើរថា ដើរតួកាចសមតែម្តង។ នេះជាលទ្ធផល ចេញពីសមត្ថភាពបើទោះជា នាងមិនអាចទប់ការស្អប់បាន ពីអ្នកទស្សនា ក្រោយពេលសម្តែង តាមសាច់រឿងបែបណាក៏ដោយ។ ដូចនេះ តារាតូចស្រស់រូបនេះ គួរខំព្យាយាម បន្តស្ទីលសម្តែងអោយបានខ្លាំងជាងនេះទៀត។
នីតា វរវង្សដែល ទើបកុងត្រាថតរឿងភាសរឿង«រសជាតិអ្នកមាន» របស់អ្នកនិពន្ឋពាន់ ភួងបុប្ឋា បានថ្លែងថា ការណ៏ពិតចិត្តចង់ បានតំណែងថតបែប សុភាពរៀបសារបានគ្រប់ ទម្រង់។ ប៉ុន្តែមិនអាចទេ ដោយសារតែ មុខមាត់យើងចេញត្រេកាច ទើបខាងផលិតករដាក់ រឿងថ្មីៗ គេចមិនផុតពីភាពឆ្នាស់។ យ៉ាងណាមិញ នាងមិនខឹងទស្សនិកជននោះ ទេ ដែលខ្លះស្អប់ ហើយសប្បាយចិត្តពេល ឃើញការសម្តែង របស់យើងទទួលលទ្ធផល។
បើទោះជានាងនៅវ័យក្មេង តែនីតា វរវង្ស បានសម្តែងរឿង ជាច្រើនទាំងភាពយន្តដុំ និងភាគ។ គេរមែងឃើញស្នាដៃរបស់នាងដូចជា នៅទូរទស្សន៏ហង្សមាស ភិអិនអិន បាយ័ន ប៉ុស្តី៏លេខ៥ជាដើម៕
