កំពង់ឆ្នាំង ៖ មន្ទីរពេទ្យខេត្តកំពង់ឆ្នាំង ទទួលបានអាវពេទ្យចំនួន៥៤០អាវ ពីសប្បុរសជនសម្រាប់ចែកជូនដល់គ្រូពេទ្យនិងបុគ្គលិក ដែលកំពុងបម្រើការងារនៅក្នុងមន្ទីរពេទ្យខេត្ត ។
លោក NAGAYA HiDEKi នាយកក្រុមហ៊ុន HAMON GRAND INTERNATIONAL .CO.LTD និង លោក រឿន បូរ៉ា អគ្គនាយកក្រុមហ៊ុន G P G C INTERNATIONAL PTF.LTD បាននាំយកអាវទាំង៥៤០អាវនេះ មកប្រគល់ជូនលោកវេជ្ជបណ្ឌិត សូរិន្ទី រ៉ាវុឌ្ឍី អនុប្រធាន មន្ទីរសុខាភិបាលខេត្ត និង លោកវេជ្ជបណ្ឌិត ទុំ សម្បត្តិ ដែលជាប្រធានមន្ទីរពេទ្យខេត្តកំពង់ឆ្នាំង កាលពីថ្ងៃទី២៦ ខែមករា ឆ្នាំ២០២០។
អញ្ជើញចូលរួមក្នុងពិធីប្រគល់និងទទួលអាវនេះផងដែរ មានលោកស្រី ឡុញ ពិសា អនុប្រធានមន្ទីរប្រៃសណីយ៍និងទូរគមនាគមន៍ខេត្ត និងលោក ជិន រិទ្ធី ប្រធានក្រុមការងារយុវជនស្មគ្រចិត្ត។
លោកវេជ្ជបណ្ឌិត ទុំ សម្បត្តិ ប្រធានមន្ទីរពេទ្យខេត្តកំពង់ឆ្នាំង បានឲ្យដឹងថា បច្ចប្បន្ននេះដោយសារកំណើនប្រជាពលរដ្ឋមកទទួលសេវាពិនិត្យនិងព្យាបាលនៅមន្ទីរខេត្ត មានការកើនឡើងជាបន្តបន្ទាប់នោះ តម្រូវឲ្យមានការសាងសង់អគារនិងបន្ថែមសម្ភារះបរិក្ខាជាច្រើនទៀត ដើម្បីបម្រើ សេវាជូនប្រជាពលរដ្ឋមានប្រសិទ្ធិភាព ។ លោកវេជ្ជបណ្ឌិត ក៏បានស្នើសុំទៅតំណាងក្រុមហ៊ុនទាំងឲ្យពិនិត្យនិងជួយដល់មន្ទីរពេទ្យតាមលទ្ធភាពផងដែរ។
លោកវេជ្ជបណ្ឌិត សូរិន្ទី រ៉ាវុឌ្ឍី អនុប្រធានមន្ទីរសុខាភិបាលខេត្តកំពង់ឆ្នាំង បានថ្លែងអំណរគុណចំពោះលោក NAGAYA HiDEKi នាយកក្រុមហ៊ុន HAMON GRAND INTERNATIONAL .CO.LTD នៃប្រទេសជប៉ុន និង លោក រឿន បូរ៉ា អគ្គនាយកក្រុមហ៊ុន G P G C INTERNATIONAL PTF.LTD ដែលបានឧបត្ថម្ភអាវចំនួន៥៤០អាវ សម្រាប់ចែកជូនដល់គ្រូពេទ្យនិងបុគ្គលិកទាំងអស់ នៅក្នុងមន្ទីរពេទ្យខេត្តកំពង់ឆ្នាំង ៕
