កំពង់ឆ្នាំង ៖ នៅព្រឹកថ្ងៃអង្គារ ១៣កើត ខែអស្សុជ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១៩ ខែតុលា ឆ្នាំ២០២១នេះ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្ត កំពង់ឆ្នាំង បានចាត់ឲ្យលោក ខឹម ចាន់នឿន នាយករងរដ្ឋបាលខេត្តកំពង់ឆ្នាំង នាំយកថវិកានិងគ្រឿងឧបភោគបរិភោគ ចូលរួមពិធីបុណ្យនិងឧបត្ថម្ភ ដល់គ្រួសារសពស្ត្រីឈ្មោះ ចាប សុថុន អាយុ ៤២ឆ្នាំ ជាស្រ្តីមេម៉ាយ មានកូន៥នាក់ រស់នៅភូមិ ឧទុម្ពរ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ។
ថវិកានិងគ្រឿងឧបភោគបរិភោគរបស់ ឯកឧត្ដម អភិបាលខេត្ត រួមមាន ៖ អង្ករ ចំនួន២០០គីឡូក្រាម,មី ៥កេស ,ទឹកបរិសុទ្ធ ៥កេស,ត្រីខ ៥យួរ និង ថវិកា ចំនួន ៦០០,០០០រៀល ៕
