ដុតធូបទៀនកុងម៉ា បង្កជាអគ្គិភ័យ ឆាបឆេះផ្ទះថ្មបេតុងវីឡាកូនកាត់ ទំហំ០៥ម៉ែត្រគុណ១៥ម៉ែត្រ មួយកន្លែង ស្ថិតនៅចំណុចផ្ទះលេខ២២៤ សង្កាត់អូរបែកក្អម ខណ្ឌសែនសុខ រាជធានីភ្នំពេញ កាលពីវេលាម៉ោង ០៨និង៥០នាទីព្រឹក ថ្ងៃទី២៤ ខែមករា ឆ្នាំ២០២០ ។
មន្ត្រីនគរបាល ខណ្ឌសែនសុខ បានឲ្យដឹងថា ម្ចាស់ផ្ទះមានឈ្មោះ សៅ ចំរើន ភេទប្រុស អាយុ៦២ឆ្នាំ មុខរបរពេទ្យខេមរភូមិន្ទ ។មូលហេតុដែលនាំអោយកើតជាអគ្គីភ័យនេះ ដោយសារដុតធូបទៀនកុងម៉ា។
មន្ត្រីនគរបាលដដែល បានអោយដឹងថា អគ្គីភ័យនេះបណ្តាលអោយខូចខាតរួមមាន ឆេះពូក នឹងខោអាវអស់មួយចំនួន ប៉ុន្តែពុំបណ្ដាលអោយឆេះរាលដាលដល់ផ្ទះអ្នកនៅក្បែរខាងឡើយ ។
ក្នុងប្រត្តិបត្តិការនេះប្រើប្រាស់រថយន្តការិយាល័យអគ្គិភ័យ:ចំនួន ០៣ គ្រឿង ប្រើប្រាស់ទឹកអស់ចំនួន០១ ឡានស្មើនឹង ២,៥ ម៉ែត្រគូប និងបានពន្លត់រលត់ទាំងស្រុងនៅម៉ោង០៩:៣០នាទីព្រឹក ថ្ងៃខែឆ្នាំដដែល ៕
