កំពង់ឆ្នាំង៖ ឯកឧត្ដម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅថ្ងៃទី៨ ខែកក្កដា បាននាំយកអំណោយនិងថវិកា របស់ឯកឧត្ដម បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រី ក្រសួងអភិវឌ្ឍជនបទ នឹងជាប្រធានក្រុមការងារ ចុះមូលដ្ឋានខេត្តកំពង់ឆ្នាំងផ្តល់ជូនដល់ គ្រួសារភ្លើងឆេះផ្ទះកាលពីថ្ងៃទី៦ ខែកក្កដា នៅស្ថិតនៅក្នុងភូមិក្រសាំងដុះឡើង ឃុំក្បាលទឹក ស្រុកទឹកផុស ខេត្តកំពង់ឆ្នាំង ។
អំណោយដែលបានផ្តល់ជូននោះរួមមាន ថវិកា ១លានរៀលអង្ករ ១០០គីឡូក្រាម មីម៉ាម៉ា៤កេស ទឹកសុទ្ធ៤កេស ទឹកត្រី ៤យួរ និងទឹកសុីវអុីវ ៤យួរ។
ជាមួយគ្នានោះ ឯកឧត្ដម ក៍បានផ្ដាំផ្ញើរជំរុញដល់បងប្អូនប្រជាពលរដ្ឋ ត្រូវបង្កបង្កើនផលបន្ថែម ត្រូវមានការប្រុងប្រយ័ត្ន ចំពោះកូនចៅតូចៗ ដែលនៅជិតអូរ ស្ទឹងជាដើម។
គួរបញ្ជាក់ថា ក្នុងដំណើរនាំយកអំណោយនិងថវិកា ក៏មានការអញ្ជើញអមដំណើរឯកឧត្ដម លោកជំទាវអភិបាលរងខេត្ត លោកជំទាវ សមាជិកក្រុមប្រឹក្សាខេត្ត ប្រធានមន្ទីរ និង អភិបាលនៃគណៈអភិបាលស្រុកទឹកផុសផងដែរ។
