កំពង់ឆ្នាំង ៖ ផ្ទះ២ខ្នងត្រូវបានអគ្គិភ័យលេបត្របាក់ទាំងស្រុង កាលពីវេលាវេលាម៉ោង១៥ និង៣០នាទីរសៀលថ្ងៃទី១៧ ខែឧសភា ឆ្នាំ២០២១ នៅចំណុចភូមិចក ឃុំច្រេស ស្រុកកំពង់ត្រឡាច ខេត្តកំពង់ឆ្នាំង ។
សមត្ថកិច្ចបានឲ្យដឹងថា ផ្ទះដែលត្រូវអគ្គិភ័យឆាបឆេះនេះ មានទំហំ៧ × ៩ ម៉ែត្រ ជញ្ជាំងឈើ ដំបូលស៊ីប្រូ ម្ចាស់ផ្ទះឈ្មោះ ប៉ែន សាវ៉េត ភេទស្រី អាយុ៥២ ឆ្នាំ (ឆេះទាំងស្រុង) ឆេះម៉ូតូ០១គ្រឿង ស្រូវ២,៥ តោននិងម៉ាស៊ីនបូមទឹក០៣ គ្រឿង។ ២/ផ្ទះទំហំ៨ × ៦ ម៉ែត្រ ម្ចាស់ផ្ទះឈ្មោះ សោម ជន ជញ្ជាំងឈើ ដំបូលក្បឿង (ឆេះជញ្ជាំងអស់មួយចំហៀង)។
តាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា មុនដំបូងគេឃើញផ្សែងបានហុយចេញខ្មួលខ្មាញ់ ឡើងទៅលើ ហើយក៏បាននាំគ្នាចេញជួួយពន្លត់ និង បានជួយអន្តរាគមន៍ពីរថយន្តពន្លត់អគ្គិភ័យស្រុកកំពង់ត្រឡាចជួយពន្លត់ មិនឲ្យឆេះរាលដាលបន្តទៀត ។
នៅក្នុងហេតុការណ៍នេះពុំបណ្ដាលឲ្យមានគ្រោះថ្នាក់ដល់មនុស្សឡើយ។ បើតាមការសន្និដ្ឋានដំបូងរបស់សមត្ថកិច្ច ករណីអគ្គីភ័យនេះបណ្តាលមកពីឆ្លងចរន្តអគ្គិសនី ៕
