ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានណែនាំអោយមន្ទីរសុខាភិបាលខេត្ត បញ្ជូនក្រុមគ្រូពេទ្យចល័តចុះចាក់វ៉ាក់សាំងជូនសិស្សានុសិស្សនៅតាមសាលារៀននៅក្នុងខេត្តកំពង់ឆ្នាំង ដែលមានសិស្សអាយុចាប់ពី១២ឆ្នាំ ដល់ក្រោម១៨ឆ្នាំ ដោយសហការជាមួយមន្ទីរអប់រំ យុវជន និងកីឡា រួមនឹងអាជ្ញាធរដែនដី ។
ការណែនាំអោយបញ្ជូនក្រុមគ្រូពេទ្យចល័តចុះចាក់វ៉ាក់សាំងជូនសិស្សានុសិស្សនៅតាមសាលារៀននេះ ត្រូវបានឯកឧត្តម បញ្ជាក់ថា ក្នុងគោលដៅជំរុញល្បឿននៃការចាក់វ៉ាក់សាំងដូសទី៣ ជូនកុមារ និងយុវវ័យអាយុចាប់ពី១២ឆ្នាំ ដល់ក្រោម១៨ឆ្នាំ។
ឯកឧត្តម ក៏បានអំពាវនាវដល់ប្រជាពលរដ្ឋទូទាំងខេត្តកំពង់ឆ្នាំង អញ្ជើញមកទទួលយកវ៉ាក់សាំងឲ្យបានគ្រប់ៗគ្នា និងបន្តយកចិត្តទុកដាក់អនុវត្តវិធានការ ៣កុំ និង៣កាពារ ដើម្បីការពារសុវត្ថិភាពខ្លួនឯង គ្រួសារ និងសហគមន៍ ពីជំងឺកូវីដ១៩ ៕
