ភ្នំពេញ៖ រថយន្តដឹកវ៉ាក់សាំងបង្ការជំងឺកូវីដ-១៩ ដែលជាអំណោយសប្បុរសជនខ្មែរ តាមរយៈសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំនួន១៣គ្រឿង ត្រូវបានប្រគល់ជូនដល់មន្ទីរសុខាភិបាលរាជធានី ខេត្តចំនួន១៣ ។
ពិធីប្រគល់-ទទួលរថយន្តដឹកវ៉ាក់សាំងកូវីដ-១៩ បានធ្វើឡើងនៅឃ្លាំងឱសថកណ្តាល (CMS) កាលពីរសៀលថ្ងៃទី០៣ ខែសីហា ឆ្នាំ២០២១ ដោយមានការអញ្ជើញចូលរួមប្រគល់ដោយផ្ទាល់ពីសំណាក់លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស ។
មន្ទីរសុខាភិបាលរាជធានីខេត្តទាំង១៣ដែលទទួលបានរថយន្តដឹកវ៉ាក់សាំងកូវីដ-១៩ នេះរួមមាន រាជធានីភ្នំពេញ ខេត្តត្បូងឃ្មុំ ខេត្តាកែវ ខេត្តស្វាយរៀង ខេត្តសៀមរាប ខេត្តព្រៃវែង ខេត្តកណ្ដាល ខេត្តកំពត ខេត្តកំពង់ធំ ខេត្តកំពង់ស្ពឺ ខេត្តកំពង់ចាម ខេត្តបាត់ដំបង និងខេត្តបន្ទាយមានជ័យ។ អត្ថបទ៖ សុគន្ធារី
