មីចំនួន៥០០កេសដែលជាអំណោយរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត មេបញ្ជាការរងកងយោធពលខេមរៈភូមិន្ទ និងជាមេបញ្ជាការកងទ័ពជើងគោក បានប្រគល់ជូនរដ្ឋបាលរាជធានីភ្នំពេញ នារសៀលថ្ងៃទី០៤ ខែមីនានេះ ដើម្បីចែកបន្តដល់ប្រជាពលរដ្ឋក្រីក្រ ដែលពាក់ព័ន្ធក្នុងព្រឹត្តិការណ៍សហគមន៍២០កុម្ភៈ។
លោក អ៊ុក ច័ន្ទវាសនា ជំនួយការឧត្តមសេនីយ៍ឯក ហ៊ុន ម៉ាណែត បានលើកឡើងថា ដោយមើលឃើញសកម្មភាពរបស់រដ្ឋបាលរាជធានីភ្នំពេញដែលបានអនុវត្តការងារបានល្អប្រសើ ពិសេសក្នុងស្ថានការណ៍ទប់ស្កាត់ជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈនេះ ទើបឧត្តមសេនីយ៍ឯក ហ៊ុន ម៉ាណែត និងលោកជំទាវ ប្រគល់នូវអំណោយជាមីចំនួន៥០០កេស ដើម្បីអោយរដ្ឋបាលរាជធានីភ្នំពេញ បន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធនឹងព្រឹត្តិការណ៍សហគមន៍២០កុម្ភៈ។
ជាមួយគ្នានោះ ឯកឧត្តម កើត ឆែ អភិបាលរងរាជធានីភ្នំពេញ ក៏បានថ្លែងអំណរអរគុណ ចំពោះ ឯកឧត្តម ឧត្តមសេនីយ៍ឯក ហ៊ុន ម៉ាណែត មេបញ្ជាការរងកងយោធពលខេមរៈភូមិន្ទ និងជាមេបញ្ជាការកងទ័ពជើងគោក ដែលបានយកចិត្តទុកដាក់ជួយឧបត្ថម្ភគាំទ្រសកម្មភាពរបស់រដ្ឋបាលរាជធានីភ្នំពេញ ពិសេសក្នុងការបង្ការ ទប់ស្កាត់កូវីដ-១៩ ក្នុងព្រឹត្តិការណ៍សហគមន៍ ២០កុម្ភៈនេះ រហូតបានប្រគល់នូវអំណោយជាមីចំនួន ៥០០កេសនេះ៕
