កំពង់ឆ្នាំង៖ តំបន់ទេសចរណ៍ចំនួន៣ ក្នុងខេត្តកំពង់ឆ្នាំង ត្រូវបានអាជ្ញាធរខេត្តលើកយកមកពិភាក្សារៀបចំផែនការគ្រប់គ្រងអភិរក្ស និងអភិវឌ្ឍន៍កាលពីព្រឹកថ្ងៃទី៨ ខែកញ្ញា ឆ្នាំ២០២០ នៅសាលាខេត្តកំពង់ឆ្នាំង ដោយវត្តមានឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញដឹកនាំកិច្ចប្រជុំពិភាក្សានោះ។
តំបន់ទេសចរណ៍ចំនួន៣ ក្នុងខេត្តកំពង់ឆ្នាំង ត្រូវបានអាជ្ញាធរខេត្តលើកយកមកពិភាក្សារៀបចំផែនការគ្រប់គ្រងអភិរក្ស និងអភិវឌ្ឍន៍នោះ រួមមានតំបន់ទេសចរណ៍ប្រវត្តិសាស្ត្រត្រឡែងកែង ក្នុងស្រុកកំពង់ត្រឡាច ភ្នំព្រះធាតុ ក្នុងស្រុកសាមគ្គីមានជ័យ តំបន់ទេសចរណ៍កម្សាន្តទំនប់អាចាំង និងទំនប់២០ឧសភា ក្នុងស្រុកបរិបូណ៌។
គួរបញ្ជាក់ថា កិច្ចប្រជុំពិភាក្សារៀបចំផែនការគ្រប់គ្រងអភិរក្ស និងអភិវឌ្ឍន៍ មានការអញ្ជើញចូលរួមពី ឯកឧត្តម ស្រ៊ន សំឫទ្ធី អភិបាលរងខេត្ត កងកម្លាំងទាំងបី នាយករដ្ឋបាលស្ដីទីសាលាខេត្ត មន្ទីរអង្គភាពជុំវិញខេត្ត អភិបាលស្រុកសាមគ្គីមានជ័យ អភិបាលរងស្រុកកំពង់ត្រឡាច ស្រុកបរិបូណ៌ នាយកទីចាត់ការ និងប្រធានអង្គភាពចំណុះសាលាខេត្ត ៕
