រដ្ឋមន្ដ្រីក្រ​សួង​អភិវឌ្ឍន៍​ជនប​ទ ចុះ​ពិនិត្យ​ផ្លូវ​ក្រាល​កៅស៊ូ​ជាង​១១​គីឡូ​ម៉ែត្រ​ និង​ការដ្ឋាន​ជីក​ស្រះ​ទឹក នៅ​ខេត្ត​កំពង់​ឆ្នាំង​

កំពង់ឆ្នាំង ៖ ឯកឧត្តម​បណ្ឌិត អ៊ុក រ៉ាប៊ុន រដ្ឋមន្រ្តីក្រសួង​អភិវឌ្ឍន៍ជនបទ និង​ជាប្រធាន​ក្រុម​ការងារ​រាជរដ្ឋាភិបាល​ចុះមូល​​​ដ្ឋាន​ខេត្តកំពង់​ឆ្នាំង រួមដំណើរដោយថ្នាក់ដឹកនាំ ក្រ​សួងអភិវឌ្ឍន៍ជនបទ នៅថ្ងៃទី១៩ ខែឧសភា ឆ្នាំ២០២០ បាន​អញ្ជើញ​ចុះ​ពិនិត្យ​ផ្លូវ​ក្រាលកៅស៊ូប្រភេទពីរជាន់ (DBST) ចំនួន១ខ្សែ ប្រវែង១១.៥គីឡូម៉ែត្រ ចាប់ពីភូមិថ្មឥដ្ឋ ស្រុកកំពង់ត្រឡាច ទៅឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។

ផ្លូវ​ក្រាលកៅស៊ូនេះ ក្រោម​ហិរញ្ញប្បទាន​សម្បទាន ពីធនាគារអភិវឌ្ឍន៍អាស៊ី (ADB) ទីភ្នាក់​ងារបារាំង​សម្រាប់​ការ​អភិវឌ្ឍ​(AFD) ​និ​ង​ជំនួយឥតសំណងរបស់រដ្ឋាភិបាលនៃប្រទេសអូស្ត្រាលី ដែលជាលទ្ធផលគិតត្រឹមថ្ងៃនេះ សម្រេចបាន៩១ភាគរយ ហើយ​គ្រោងនឹងបញ្ចប់នៅថ្ងៃទី៣១ ខែកក្តដា ឆ្នាំ ២០២០។

បន្ទាប់មក ឯកឧត្តមរដ្ឋមន្រ្តី បន្តចុះពិនិត្យការជីកស្រះទឹក មួយកន្លែង ដែលមានទំហំ ៥០ម៉ែត្រគុណ៥០ម៉ែត្រ និងជម្រៅ​៤ម៉ែត្រ ស្ថិតនៅភូមិប្រចាក់ ឃុំព្រៃមូល ស្រុករលាប្អៀរ ខេត្តកំពង់ឆ្នាំង ក្រោម​ជំនួយ​ឥត​សំណង​របស់​រដ្ឋា​ភិបាល​សាធារ​ណ​រដ្ឋប្រ​ជាមា​និត​ចិន ដែលជាលទ្ធផលសម្រេចបាន៧៥ភាគរយ​ ហើយគ្រោងនឹងបញ្ចប់នៅថ្ងៃទី៣១ ខែកក្តដា ឆ្នាំ២០២០៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង