កំពង់ឆ្នាំង៖ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្ត និងជាប្រធានគណកម្មាធិការសាខាសមាគមមិត្តបុគ្គលិកកសិកម្មកម្ពុជា ប្រចាំខេត្តកំពង់ឆ្នាំង តំណាងឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ បានចុះសួរសុខទុក្ខ និងប្រគល់ថវិកាជូនគ្រួសារសពសមាជិក ចំនួន៤គ្រួសារ កាលពីថ្ងៃទី១៨ ខែឧសភា ឆ្នាំ២០២០ ។
លោក ងិន ហ៊ុន បានឲ្យដឹងថា គ្រួសារសពទាំង៤គ្រួសារនេះមាន៖ ១/សពលោកស្រី គី ហួ មន្ត្រីខណ្ឌរដ្ឋបាលជលផលខេត្ត ទទួលបានថវិកាចំនួន៦លានរៀល ។ ២/សពលោក កៅ អួន មន្ត្រីចូលនិវត្តន៍ ខណ្ឌរដ្ឋបាលជលផល ទទួលបានថវិកាចំនួន៦លានរៀល ។ ៣/សពលោក សុខ ឈឿង មន្ត្រីចូលនិវត្តន៍ អតីតការិយាល័យកសិកម្មក្រុងកំពង់ឆ្នាំង ទទួលបានថវិកាចំនួន៦លាន រៀល ។ និង ៤/ សពលោកស្រីថង សាវតី ភរិយារបស់លោកសួន សេដ្ឋា មន្ត្រីចូលនិវត្តន៍ អតីតការិយាល័យកសិកម្មស្រុកបរិបូរណ៍ ទទួលបានថវិកាចំនួន៣លានរៀលរៀល ។
នៅក្នុងឱកាសទទួលថវិកានោះ ក្រុមគ្រួសារសពទាំង៤គ្រួសារ បានថ្លែងអំណរគុណយ៉ាងជ្រាលជ្រៅ ចំពោះឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ និង ថ្នាក់ដឹកនាំទាំងអស់ នៃគណកម្មាធិការសមាគមមិត្តបុគ្គលិកកសិកម្មកម្ពុជា ដែលជានិច្ចកាលតែងតែយកចិត្តទុកដាក់ដល់មន្ត្រីក្រោមឱវាទនិងសមាជិកសមាគម៕
