ឯក​ឧត្តម​បណ្ឌិត​សភាចារ្យ អ៊ុក រ៉ាប៊ុន ផ្តល់​អំណោយ​ជូន​ពលរដ្ឋ ៤៥គ្រួសារ​នៅក្រុង​កំពង់​ឆ្នាំង ដែល​រងគ្រោះ​​ដោយ​​សារ​​ភ្លើងឆេះ​ផ្ទះ

កំពង់ឆ្នាំង៖ ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ និងប្រធានក្រុម ការងាររាជរដ្ឋា​ភិ​បា​ល​​ចុះមូលដ្ឋាន​ខេត្តកំ​ពង់ឆ្នាំង អមដំណើរដោយ លោកជំទាវ កែ ច័ន្ទមុនី អ្នកតំណាងរាស្រ្ដ​មណ្ឌល​កំពង់ឆ្នាំង ព្រមទាំង​​ក្រុមការងារ​​រាជ​​រដ្ឋាភិបាលជាច្រើនរូប នៅថ្ងៃទី១៣ ខែមីនា ឆ្នាំ២០២៣នេះ  បាននាំយកអំណោយ រួមមានសម្ភារប្រើប្រាស់ និងថវិកា ទៅ​ចែកជូនប្រជាពលរដ្ឋ ៤៥ គ្រួសារ ដែល​រងគ្រោះដោយសារភ្លើងឆេះផ្ទះ នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ។

ឯកឧត្តមបណ្ឌិតសភាចារ្យ អ៊ុក រ៉ាប៊ុន បានសម្ដែងការសោកស្ដារ ចំពោះឧបទ្ទវហេតុនេះ និងបានផ្ដាំ​ផ្ញើ​ឱ្យ​បង​ប្អូនប្រជា​ពល​រដ្ឋ​​ផ្សេង​ៗ​ទៀត ត្រូវមានការប្រុងប្រយ័ត្នឱ្យបានខ្ពស់ ។

អំណោយ​ដែលឯកឧត្តមបណ្ឌិតសភាចារ្យផ្តល់ជូនគ្រួសាររងគ្រោះនោះ រួមមាន​ ក្នុងមួយគ្រួសារមាន អង្ករ ៥០គីឡូក្រាម មី ត្រីខ ទឹកស៊ីអ៊ីវ ទឹកត្រី និងថវិកា១០ម៉ឺនរៀល។

គួរបញ្ជាក់ថា កាលពីព្រឹក ថ្ងៃទី ១២ ខែមីនា ឆ្នាំ២០២៣ វេលាម៉ោង៧ និង ២០ នាទី មានករណី​អគ្គីភ័យ បានឆាបឆេះ​លំ​នៅ​​ដ្ឋាន​របស់ប្រជាពលរដ្ឋ អស់ចំនួន ២៧ខ្នងផ្ទះ ស្មើនឹង ៤៥គ្រួសារ ដោយសារការថ្វេសប្រហែសក្នុងការឆ្អើរត្រី ។

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង