កំពង់ឆ្នាំង ៖ មន្ត្រី៤រូបត្រូវបានប្រកាសចូលកាន់តំណែង ជាអភិបាលរង នៃគណៈអភិបាលខេត្តកំពង់ឆ្នាំង នៅព្រឹកថ្ងៃទី៥ ខែកញ្ញា ឆ្នាំ២០២២ ក្រោមអធិបតីភាព ឯកឧត្តម ប៉ាវ ហមផាន រដ្ឋលេខា
ធិការក្រសួងមហាផ្ទៃ ។
យោងតាមអនុក្រិត្យរបស់រាជរដ្ឋាភិបាល លេខ៧០៨ អនក្រ, តត ចុះថ្ងៃ៣០ ខែសីហា ឆ្នាំ២០២២ សម្រេចតែងតាំង មន្ត្រីរាជការ៤រូប ឲ្យកាន់តំណែងជាអភិបាលរង នៃគណៈអភិបាលខេត្តកំពង់ឆ្នាំង ៖
១ .លោក យិន សាវ៉េន អភិបាលក្រុងកំពង់ឆ្នាំង ឋានន្តរស័ក្តិឧត្តមមន្ត្រី ថ្នាក់លេខ៦ ជាអភិបាលរងខេត្ត កំពង់ឆ្នាំង ។
២ .លោក ឈឹម វុទ្ធា អភិបាលស្រុកកំពង់ត្រឡាច ឋានន្តរស័ក្តិឧត្តមមន្ត្រី ថ្នាក់លេខ៤ ជាអភិបាលរងខេត្តកំពង់ឆ្នាំង ។
៣. លោក ពេជ្រ កែវ មុនី ឋានន្តរស័ក្តិឧត្តមមន្ត្រីថ្នាក់លេខ៤ ជាអភិបាលរងខេត្ត ។
៤. លោក យ៉ង ភារម្យ ឋានន្តរស័ក្តិ វរៈមន្ត្រីថ្នាក់លេខ១ នៃក្របខ័ណ្ឌមន្ត្រីគ្រប់គ្រងរដ្ឋបាល ក្រសួងបរិស្ថាន ជាអភិបាលរងខេត្ត ។
