តារាចម្រៀងលោក ករុណា ពេជ្រ និងអ្នកនិពន្ធបទចម្រៀងលោក យឹម តាស្រង់ បានខ្វែងគំនិតពាក់ព័ន្ធទៅនឹងការចែកភាគលាភរវាងតារា ចម្រៀងនិងអ្នកនិពន្ធ។ការខ្វែងគំនិតគ្នានាពេលនេះបានកើតឡើង បន្ទាប់ពីលោក យឹម តាស្រង់ ដែលបានដើរចេញពីផលិតថោន មកចូលរួមជាមួយផលិតឡេងណាវ៉ាត្រា ហើយបានបង្ហាញជាសាធារណះពីការព្រមព្រៀងគ្នាក្នុងការចែកភាគលាភគ្នាជាមួយតារាចម្រៀងនាង តន់ ចន្ទសីម៉ា។ ត្បិតការចែកភាគលាភនេះគឺកើតចេញពីការស្ម័គ្រចិត្តក៏ដោយ ប៉ុន្តែលោក យឹមតាស្រង់ បានសម្តែងការរំភើប ត្បិតលោកចាត់ទុកថា នេះជាការអោយតម្លៃដល់អ្នកនិពន្ធពីអ្នកចម្រៀង។
លោក យឹម តាស្រង់ បានសសេរបង្ហោះនៅលើបណ្តាញសង្គមថា រំភើបបំផុតមួយជីវិតនេះខ្ញុំទើបជួបម្តងទេ ដែលតារាចម្រៀងម្នាក់ហ៊ានចែក ផ្តល់ចំណូលមកខ្ញុំជាអ្នកនិពន្ធ 20% ពីការចេញច្រៀងគ្រប់កម្មវិធីប្រគុំតន្ត្រីនិងស្ពតពាណិជ្ជកម្មទាំងអស់ក្នុងរយៈពេលដ៏វែងដោយភាពពេញ ចិត្ត ។ អរគុណណាស់នូវការយល់ពីតម្លៃនៃអ្នកនិពន្ធ ហើយមួយរយៈនេះបងលើកប្អូនស្រីពិតជាមិនខកបំណងមែន អរគុណនូវទឹកចិត្តដឹងគុណ របស់ប្អូន មកលើបង ប្អូន។
លោកបញ្ជាក់ថា ប្រហែលជាអ្នកចម្រៀងទី១ ហើយបងក៏ប្រហែលជាអ្នកនិពន្ធទី១ផងដែរដែលបានទទួលការចែកភាគលាភបែបនេះពីតារា ចម្រៀងកំពុង ល្បីម្នាក់បែបនេះ បងនិងខិតខំព្យាយាមបន្តទៀតដើម្បីប្អូន។ ហើយក៏អរគុណផងដែរដល់បងប្អូនក្រុមមេធាវីនិងសាក្សីហើយជាពិ សេសនោះអរគុណដល់អគ្គនាយកផលិតកម្ម Galaxy Navatra ឧកញ៉ា ឡេង ណាវ៉ាត្រា ដែលបានចូលរួមជាកិត្តិយសដឹងលឺក្នុងកិច្ចសន្យានេះ។
ជាការកត់សម្គាល់នៅពេលដែលបានឃើញនៅបញ្ហានេះតារាចម្រៀងលោក ករុណា ពេជ្រ ក៏បានបញ្ចេញនូវប្រតិកម្មភ្លាមៗជានឹងយល់ឃើញ ផ្ទុយ ពីអ្វីដែលលោក យឹម តាស្រង់ បានធ្វើនាពេលនេះ។ តាមរយះសំណេរដែលតារាចម្រៀងរូបនេះ បានសសេរបង្ហោះ នៅលើគណនេយ្យ ហ្វេសប៊ុករបស់លោកបញ្ជាក់ថា ខ្ញុំចូលសិល្បះទេីបជិត 16 ឆ្នាំទេ។ ខ្ញុំសូមបញ្ចេញយោបល់សំរាប់គំនិតខ្ញុំ តាមអ្វីដែលខ្ញុំមិនសូវចេះ ថា បេីកំរ៉ៃ ខ្ញុំរកបានពីសិល្បះនៅកន្លែងផលិតកម្មដែលបណ្តុះបណ្តាលខ្ញុំ ហេីយផលិតកម្មនោះ ទាមទារ អោយកាត់ភាគរយ 10-30% ក៏ខ្ញុំសប្បាយ ចិត្តនឹង ជូនដោយក្តីរីករាយ … ព្រោះផលិតកម្មបានចំណាយថវិកា លេីបុគ្គលិកគ្រប់ជាន់ថ្នាក់ មានទាំងអ្នកនិពន្ធ ក្រុមបច្ចេកទេស បុគ្គលិកទីផ្សារ និង សម្ភារះផ្សេងៗ ទេីប អាចបណ្តាលអោយអ្នកចម្រៀងមានកេរ្ត៏ឈ្មោះ ហេីយកេរ្ត៏ឈ្មោះអ្នកចម្រៀងល្បី បទចម្រៀល្បី ក៏បាន អោយក្រុមការងារ គ្រប់ជាន់ថ្នាក់សប្បាយចិត្ត តាមស្នាដៃរៀងៗខ្លួនដូចគ្នា។
ប៉ុន្តែបេីមានបុគ្គលិកណាក្នុងផលិតកម្ម ដែលចង់សុីប្រាក់ភាគរយពីការងារសិល្បះ លាភ សក្ការះ លេីការងាររបស់សិល្បះរបស់ខ្ញុំនោះ គឺ ខ្ញុំមិន អោយជាដាច់ខាត សូម្បីតែ 0,1% ក៏ខ្ញុំមិនអោយជាដាច់ខាត ប៉ុន្តែបេីជា មនោសញ្ចត នាយូរៗម្តងរឺដោយទឹកចិត្ត ខ្ញុំនឹងព្យាយាមធ្វេីតាម អ្វីដែល មាន តាមមនោសញ្ចេតនា ព្រោះ ក្រុមការងារគ្រប់ផ្នែកទាំងអស់ក្នុងផលិតកម្មមួយ គឺ ជាកាតព្វកិច្ចរបស់គាត់រៀងខ្លួនដេីម្បីបំពេញការងារ បញ្ចេញសមត្ថភាពល្អ ដេីម្បីបង្ហាញយកស្នាដៃជូនផលិតកម្ម និង ដេីម្បី ថៅកែ. ហេីយគាត់ ទទួលបានការលេីកទឹកពីថៅកែ ចំពោះគាត់ រាល់ ស្នាដៃដែលគាត់បានសាងនេះជារឿងរបស់បុគ្គលិកតាមផ្នែក ជាមួយថៅកែ មិនមែនជាមួយ អ្នកចម្រៀងទេ ព្រោះអ្នកចម្រៀងក៏ជាបុគ្គលិក ក្រោមការគ្រប់គ្រងរបស់ផលិតកម្ម ដែលមានថៅកែជា មេដូចគ្នា ប៉ុន្តែអរគុណ ផលិតកម្មមិន ដែលកាត់ ភាគរយគ្រប់តារាចម្រៀងទាំងអស់។
បើតាមលោក ករុណា ពេជ្រ អ្នកចម្រៀង អ្នកនិពន្ធ ក្រុមបចេ្ចកទេស ក្រុមការងារផ្សេងទៀត គឺ មានភារកិច្ចទទួលបំពេញការងារអោយបានល្អ រៀង ខ្លួនដេីម្បីជូនថៅកែផលិតកម្ម ដែលគាត់បានចំណាយរាប់មុឺនក្នុងមួយខែ ជូនបុគ្គលិកគ្រប់ជាន់ថ្នាក់។ ធ្វេីជាមនុស្សរស់ក្នុង សង្គមដូចគ្នា បេីបានសុខហេីយ សន្សំសុខ ហេីយទុកមុខរាប់គ្នាថ្ងៃក្រោយចុះ.គួរចេះស្រណោះ គ្រាកន្លងផង វាមិនដែលកន្លែងចាស់ ធ្វេីអ្នកឆ្អែតចិត្តដល់ថ្នាក់ អ្នកខំរកគ្រប់ល្បិច ដេីម្បីបំផ្លាញកន្លែងចាស់ដែលអ្នកធ្លាប់កំសត់នោះទេ។
លោកបញ្ជាក់ថា អ្នកប៉ះពាល់ច្រេីនហេីយលេីផ្នែកដទៃ ប៉ុន្តែលេីកនេះប៉ះកិត្តិយសអ្នកចម្រៀង ដូច្នេះក្នុងនាមខ្ញុំជាអ្នកចម្រៀងម្នាក់សូមបញ្ចេញ យោបល់ប៉ុណ្ណេះ បេីមានខុសឆ្គងខ្ញុំសូមអភយ័ទោស ប៉ុន្តែ ខ្ញុំនឹងព្យាយាមកំដរទៀត បេីអ្នកនៅនិយាយប៉ះពាល់កិត្តិយសអ្នកចម្រៀង៕
