ភ្នំពេញ ៖ កម្លាំងគណៈបញ្ជាការឯកភាព រដ្ឋបាលខណ្ឌសែនសុខ បានចុះបិទហាងខារ៉ាអូខេ មួយកន្លែង ដែលមានយីហោហ្គោល នៅតាមបណ្តោយផ្លូវលេខ១៩៨៦ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ហើយឃាត់ខ្លួនមនុស្សប្រុសស្រីចំនួន២៦នាក់ និង ដកហូតបានម៉ូតូជាច្រើនគ្រឿង។
ប្រត្តិបត្តិការខាងលើនេះ ធ្វើឡើងកាលពីវេលាម៉ោង១២យប់រំលងអធ្រាត្រឈានចូលព្រហស្បតិ៍ទី៨ ខែកក្តដា ឆ្នាំ ២០២១ ក្រោយពីបាន បេីកទទួលភ្ញៀវឱ្យចូលច្រៀងលេងយ៉ាងសប្បាយដោយផ្គេីននិងសេចក្តីណែនាំរបស់រដ្ឋបាលរាជធានី ភ្នំពេញ មិនខ្លាចការឆ្លងជំងឺ កូវីដ-១៩ ។
សមត្ថកិច្ចបានបញ្ជាក់ថា ក្នុងប្រតិបត្តិការ ខាងលេីនេះកម្លាំងសមត្ថកិច្ចបានធ្វេីការឃាត់ខ្លួនមនុស្សប្រុសស្រីចំនួន២៦នាក់ ក្នុងនោះមានស្រី១៤នាក់ ប្រុស១២នាក់ រួមនិងម៉ូតូជាច្រើនគ្រឿងផងដែរនាំយកទៅកាន់អធិការដ្ឋាននគរបាលខណ្ឌសែន
សុខ ដើម្បីបន្តទៅតាមនីតិវិធីច្បាប់៕
