ខេត្តកំពង់​ឆ្នាំង​​ ប្រារព្ធខួប​លើកទី​៦៧​ ​នៃបុណ្យ​ឯក​រាជ្យ​ជាតិ​ ៩ វិច្ឆិកា ​

កំពង់ឆ្នាំង ៖ ខួបអនុស្សាវរីយ៍លើកទី៦៧ នៃទិវាបុណ្យឯករាជ្យជាតិ​នាឆ្នាំ​នេះ រដ្ឋបាល​ខេត្តកំពង់ឆ្នាំង បានប្រារព្ធ​​ធ្វើឡើង​យ៉ាង​មហោឡា​​ឬកនា​​ព្រឹក​ថ្ងៃ​ទី​​៩​ ខែវិច្ឆិកា ឆ្នាំ២០២០ ក្រោមងធិបតីភាពឯកឧត្តមឡុង ឈុនឡៃ ប្រធានក្រុមប្រឹក្សាខេត្ត និង ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំង ។

ឯកឧត្តម ឈួរ ច័ន្ទឌឿន អភិបាល​ខេត្តកំពង់ឆ្នាំង បាន​បញ្ជាក់ថា ថ្ងៃ៩ វិច្ឆិកា ឆ្នាំ១៩៥៣ ដល់ថ្ងៃ៩ វិច្ឆិកា ឆ្នាំ២០២០ គឺជាខួបលើកទី៦៧ នៃទិវា​បុណ្យ​ឯក​រាជ្យជាតិ ដែលព្រះ​រាជាណាចក្រ​កម្ពុជា ប្រារព្ធឡើងដើម្បី​រំឭកពីការទទួល​បានឯករាជ្យ​ពីអាណា​និគម​បារាំង ក្រោម​ព្រះរាជ​បូជនីយ​កិច្ចដ៏​ឧត្តុង្គ​ឧត្តម​របស់​ព្រះបរមរតន​កោដ្ឋ នរោត្តម ​សីហនុ ។

ការប្រារព្ធបុណ្យ ឯករាជ្យជាតិកម្ពុជា ប្រកបដោយមោទនភាព និងស្ថិតនៅក្នុងបរិបទ​កម្ពុជាពោរពេញទៅដោយសុខសន្តិភាពពេញលេញ ស្ថិរភាព​នយោ​បាយ និងពលរដ្ឋខ្មែរពោរពេញទៅដោយសេចក្តីសុខ និងប្រទេសជាតិពោរពេញទៅដោយ ការអភិវឌ្ឍលើគ្រប់វិស័យ។ ប្រសិន​បើកម្ពុជា​មិន​មាន​សុខ​សន្តិភាពទេនោះ ពលរដ្ឋខ្មែរក៏មិនអាចនឹងប្រារព្ធទិវាបុណ្យឯករាជ្យជាតិ​របស់ខ្លួនក្នុងភាព​សប្បាយរីករាយ​បានឡើយ។

ឯកឧត្តម​អភិបាលខេត្ត បានបញ្ជាក់​ទៀតថា វីរៈភាពដ៏អង់អាចក្លាហាន​នេះគឺជា វិរភាពគំរូដ៏ល្អសម្រាប់កូនខ្មែរជំនាន់ក្រោយក្នុងការកសាង ការពារ​បូរណ​ភាព ក្នុង​ស្មារតីចងចាំជានិច្ចមិនអាចបំភ្លេចបាន នូវគុណូបការៈដ៏ថ្លៃថ្លារបស់វិរៈយុទ្ធជន និង យុទ្ធនារីនិងបងប្អូនប្រជាពលរដ្ឋយើងនៅគ្រប់ទិសទី ដែល​​បាន​ពុះពារ ប្រយុទ្ធតស៊ូ ធ្វើពលីកម្ម អាយុជីវិត អង់អាចក្លាហានបំផុតដើម្បីសង្គ្រោះ​ជាតិមាតុភូមិពីរបបប្រលយពូជសាសន៍ប៉ុលពត​ចេញពីភ្នក់​ភ្លើង​សង្គ្រាម​​​ព្រមទាំងបានរួមចំណែកយ៉ាងធំធេងក្នុងកិច្ចការពារទឹកដីដីនិងអធិបតេយ្យ សន្តិភាពសេរីភាពនិងវិបុលភាព​ជាតិ ​នៃព្រះ​រាជជា​ណាចក្រកម្ពុជា ។

ឯកឧត្តមបានឈួរ ច័ន្ទឌឿន អភិបាលខេត្តកំពង់ឆ្នាំង បន្តថា ឯករាជភាពជាតិដែលខ្មែរទទួលបានពីបារាំងគឺជាស្នាម​ព្រះហស្តរបស់ព្រះបរមរតនកោដ្ឋ ហើយពលរដ្ឋខ្មែរត្រូវការពារឱ្យខាងតែបាននូវឯករាជ្យជាតិនេះ ដោយមិនអនុញ្ញាតឱ្យជនណាម្នាក់យកឯករាជភាព​ជាតិនៃប្រទេសកម្ពុជា ទៅ​បំផ្លាញ​​ឯករាជ្យ បូរណភាពដែនដីនិង​អធិបតេយ្យ ជាតិឡើយ។

កម្ពុជាប្រារព្វទិវាបុណ្យឯករាជ្យជាតិខួបលើកទី៦៧ នៅពេលនេះ គឺស្ថិតក្នុងបរិបទមួយដែលកម្ពុជា បានបង្ហាញកំណើនផ្នែកសេដ្ឋកិច្​ទៅ​ដល់​ពិភព​លោក​​​ និងប្រាប់ពិភពលោកថា កម្ពុជាគឺជារដ្ឋឯករាជ្យអធិបតេយ្យនិងបូរណភាពដែនដី មានសិទ្ធិពេញលេញក្នុងការចាត់ចែងវាសនាជាតិរបស់ខ្លួន និង​​មិនត្រូវបន្តព្យាយាម​ជ្រៀតជ្រែកកិច្ចការផ្ទៃ​ក្នុងកម្ពុជា ទៀតឡើយ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង