កំពង់ឆ្នាំង៖ លោកស្រី ប៊ន សុភី និងលោក ស្រ៊ន សំឫទ្ធី អភិបាលរងខេត្តកំពង់ឆ្នាំង រួមជាមួយថ្នាក់ដឹកនាំ មន្ទីរអង្គភាពជុំវិញខេត្ត នៅថ្ងទី២៥ ខែកក្កដា ឆ្នាំ២០២០នេះ បាននាំយកទៀនវស្សា ទេយ្យវត្ថុ គ្រឿងបរិក្ខា ចង្ហាន់ ទៅប្រគេនព្រះសង្ឃគង់ចាំព្រះវស្សា នៅវត្តចន្ទប្បជោត្តនារាម ហៅអាស្រមតាសុត ស្ថិតនៅភូមិប៉ាតឡាង ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង។
វត្តចន្ទប្បជោត្តនារាមគឺជាវត្តមួយដែលទើបកកើតឡើង ដែលកាលពីមុនវត្តនេះ គឺជាអាស្រមមួយដែលមាន ឈ្មោះថាអាស្រមតាសុត ហើយគ្រាន់តែជាកន្លែងមួយ សម្រាប់ព្រះសង្ឃ និងយាយជី តាជី មកសម្មាទានសីលនិងសម្មាធិតែប៉ុណ្ណោះ ។ ដោយសារតែអាស្រមមួយនេះកាន់តែមានការអភិវឌ្ឍន៍ និង រក្សាបាននូវបរិស្ថានធម្មជាតិ ដ៏ស្រស់ត្រកាល និង មានពុទ្ធិបរិស័ទគាំទ្រជាបន្តបន្ទាប់មកនោះ អាស្រមនេះត្រូវបានស្នើសុំ បង្កើតជាវត្ត និង សម្រេចដាក់ឈ្មោះជាវត្តចន្ទប្បជោត្តនារាម។
