កំពង់ឆ្នាំង៖ ក្រុមការងាររាជរដ្ឋាភិបាលចុះមូលដ្ឋានស្រុកជលគិរី នៅព្រឹកថ្ងៃទី២១ ខែកក្កដា ឆ្នាំ២០២០នេះ ដឹកនាំដោយ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកជលគិរី លោក ស៊ុន សុវណ្ណារិទ្ធិ អភិបាល រងខេត្ត និងជាអនុប្រធានក្រុមការងារ និងក្រុមការងាររាជរដ្ឋាភិបាលចុះមូលដ្ឋានស្រុក បានចុះជួបសំណេះសំណាល សាកសួរសុខទុក្ខ និង នាំយកអំណោយមនុស្សធម៌ ចែកជូនគ្រួសារងាយរងគ្រោះចំនួន២០គ្រួសារ នៅឃុំពាមឆ្កោក ស្រុកជលគិរី ខេត្តកំពង់ឆ្នាំង។
ក្នុងឱកាស ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកជលគិរី ក៏បានធ្វើការផ្សព្វផ្សាយ និងណែនាំដល់ប្រជាពលរដ្ឋពីវិធីកាពារនិងទប់ស្កាត់ពីជំងឺ កូវីដ-១៩ តាមការណែនាំរបស់ក្រសួងសុខាភិបាល ផងដែរ ។
គួរបញ្ជាក់ថា អំណោយមនុស្សធម៌ ដែលក្រុមការងាររាជរដ្ឋាភិបាលចុះមូលដ្ឋានស្រុកជលគិរី នាំយកទៅចែកប្រជាពលរដ្ឋនោះរួមមាន អង្ករ ១០គីឡូក្រាម មី១កេះ ទឹកត្រី១យួរ ទឹកស៊ីអ៊ីវ១យួរ ។ ជាមួយគ្នានោះ ឯកឧត្តម សាន វិសាល ក៏បានឧបត្ថម្ភថវិកាចំនួន ២០០,០០០រៀល និងឯកឧត្តម ស៊ុន សុវណ្ណារិទ្ធិ បានឧបត្ថម្ភថវិកាចំនួន ២០០,០០០រៀល ដោយក្នុងមួយៗគ្រួសារទទួលបានថវិកា ២០,០០០រៀល៕
