នគរ​បាល​​ខេត្ត​សៀម​រាប​ ឃា​ត់ខ្លួន​ជន​សង្ស័យ​​ម្នាក់​​ដែលបង្ហោះ​​ព័ត៌មាន​​មិន​ពិត​​ករណី​​ជំងឺ​កូ​រ៉ូ​ណាថ្មី

​កាលពី​ព្រឹក​ថ្ងៃ​ទី​១១​ ខែមីនា​ ឆ្នាំ​២០២០​ ស្នងការ​នគរបាល​ខេត្តសៀមរាប​ បាន​នាំ​ខ្លួន​ម្ចាស់​គណនេយ្យ​ហ្វេ​ស​ប៊ុ​ក​ ឈ្មោះ​ ឡ​ន​លី​ គ្រួសារ​រីករាយ​ ដែល​មាន​ម្ចាស់​ឈ្មោះ​ ភុ​ត​ ថុ​នា​ ភេទ​ប្រុស​ អាយុ​៣២​ឆ្នាំ​ ទីលំនៅ​បច្ចុប្បន្ន​ ភូមិ​បឹង​ដូន​ប៉ា​ សង្កាត់​ស្ល​ក្រាម​ ក្រុង​/​ខេត្តសៀមរាប​ ពាក់ព័ន្ធ​នឹង​ការ​បង្ហោះ​ព័ត៌មាន​មិន​ពិត​ករណី​ជំងឺ​កូ​រ៉ូ​ណា​ និង​ជេរ​ប្រមាថ​ថ្នាក់ដឹកនាំ​តាម​បណ្តាញ​សង្គម​កាលពី​ថ្ងៃ​ទី​១០​ ខែមីនា​ ឆ្នាំ​២០២០​ មក​សាកសួរ​។​

​តាម​រយៈ​ការ​សាកសួរ​របស់​សមត្ថកិច្ច​ ជនសង្ស័យ​បាន​សារភាព​ថា​ ខ្លួន​ពិតជា​បាន​ប្រព្រឹត្ត​នូវ​បទល្មើស​នេះ​ពិតប្រាកដ​មែន​។​ បច្ចុប្បន្ន​ជនសង្ស័យ​ត្រូវ​បាន​សមត្ថកិច្ច​ ឃាត់ខ្លួន​ និង​កំពុង​កសាង​សំណុំរឿង​បញ្ជូន​ទៅ​សាលាដំបូង​ខេត្តសៀមរាប​ ដើម្បី​អនុវត្ត​នីតិវិធី​បន្ត​ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង