បទ«រាត្រីនឹក រាត្រីឯកា» ដែលលោកសាល បាទី លើកយកមកបកស្រាយ អោយផលិតកម្ម HOM Music ត្រូវបានគេទម្លាយថា ជាប្រភេទបទល្អ ក្រោម​ការសម្រិតសម្រាំងដោយភាពយកចិត្តទុកដាក់ខ្ពស់។ ស្របពេលដឹងថា សាលបាទី មានទកដមសំឡេង យក​ជា​ការ​បាន​ទើប​ខាងផលិត​កម្ម ​សម្រេច​អោយលោកច្រៀង ដោយជឿមុតមាំថា ពេលផ្សាយទៅនឹងចាក់ដោតមិត្តអ្នកស្តាប់។

បាទី ថ្លែងថា រីករាយដែលបានខាងផលិតកម្មជ្រើសរើស លោកបានច្រៀងបទខាងលើ ដោយលោកច្រៀងហើយរួលរាល់ ពិតជា​មាន​អត្ថន័យ​ល្អ​។ លោកធានាថាបើបងប្អូនបានស្តាប់ ដឹងថាសុីអារម្មណ៏តែម្តង។ ជាថ្មីម្តងទៀត សូមអរគុណដល់​ខាងផលិត​កម្មដែល​បានផ្តល់​ឱកាស​ជ្រើស​រើស​លោក​ និងតារាផ្សេងៗទៀតមករួមការងារ។ លោកមានតែខិតខំពង្រឹង សមត្ថភាពអោយល្អ ដើម្បីអោយ​ផលិតកម្មកាន់​តែមាន​ការទាក់​ទាញ​ត​ទៅ​ទៀត​។​