សម្តេចចៅហ្វាវាំង គង់ សំអុល នាំយកបច្ច័យនិងទេយ្យវត្ថុ ប្រគេនព្រះសិរីធម្មញ្ញាណ សុខ ថាន ព្រះមេគុណខេត្ត និងព្រះសង្ឃគង់ចាំព្រះវស្សា នៅវត្តអារញ្ញិការាម

myfm radio — Sun, 05 Jul 2020 10:40:32 +0000

កំពង់ឆ្នាំង ៖ ដើម្បីចូលរួមជាមួយនឹងពុទ្ធបរិស័ទ ប្រជាពលរដ្ឋនៅក្នុងឱកាសនៃបុណ្យចូលព្រះវស្សានេះ នៅថ្ងៃួទី៤ ខែកក្កដា ឆ្នាំ២០២០ សម្តេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង អមដំណើរដោយ ឯកឧត្តមទេសរដ្ឋមន្រ្តី គុយ សុផល ឧត្តមក្រុមប្រឹក្សាផ្ទាល់ព្រះមហាក្សត្រ និង ជាទេសរដ្ឋមន្រ្តីទទួលបន្ទុកកិច្ចការទូទៅ អមក្រសួងព្រះបរមរាជវាំង ព្រមទាំងមានការចូលរួមពីថ្នាក់ដឹកនាំមន្ទីរអង្គភាពជុំវិញខេត្ត បាននាំយកបច្ច័យនិងទេយ្យវត្ថុ ប្រគេនព្រះសិរីធម្មញ្ញាណសុខ ថាន ព្រះមេគុណខេត្ត និង ព្រះសង្ឃគង់ចាំព្រះវស្សា នៅវត្តអារញ្ញិការាម ស្ថិតនៅសង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។

នៅក្នុងឱកាសនោះសម្តេចចៅហ្វាវាំង គង់ សំអុល និង ឯកឧត្តមគុយ សុផល បានថ្វាយភួងផ្កា ដល់ព្រះពុទ្ធរូបដែលជាទីគោរពសក្ការៈសម្រាប់ប្រជាពុទ្ធិសាសនិកគ្រប់រូប ព្រមអុជធូបបួងសួងសូមសេចក្តីសុខ សេចក្តីចម្រើនដល់ប្រជានុជនគ្រប់រូបនៅក្នុងប្រទេសកម្ពុជា ។

បុណ្យចូលព្រះវស្សា ត្រូវបានប្រារព្ធធ្វើឡើងតាមព្រះវិន័យ ដែលព្រះសម្មាសម្ពុទ្ធទ្រង់បញ្ញត្តិឡើង ដើម្បីឲ្យព្រះសង្ឃសាវ័កគ្រប់អង្គប្រតិបត្តិតាម ដែលមានរយៈពេល៣ខែ ពោលគឺចាប់ថ្ងៃ១រោចខែអាសាធ ដល់ទី១៥កើតខែអស្សុជ ។

ការបញ្ញត្តិឲ្យមានការកាន់ព្រះវស្សាគឺព្រះពុទ្ធជាម្ចាស់ទ្រង់មានព្រះបំណងចង់ឲ្យព្រះសង្ឃមានភាពងាយស្រួល ក្នុងរដូវវស្សារយៈពេលខែនេះ ដែលជារដូវពោរពេញទៅដោយភ្លៀងធ្លាក់ ជោគជាំ សម្បូរភក់ជ្រាំច្រើន។ តាមទម្លាប់ពុទ្ធបរិស័ទតែងតែនាំយកនូវទេយ្យទាន ដូចជា អង្ករ ទៀន ធូប ប្រេង ស្បង់ ចីវរ សំពត់ សាដក និង គ្រឿងសម្ភារៈដទៃទៀត ទៅប្រគេនព្រះសង្ឃតាមវត្តអារាម ដើម្បីផ្គត់ផ្គង់ក្នុងកំឡុងពេលនៃការចូលព្រះវស្សានេះ។

នៅក្នុងឱកាសនោះសម្តេច ចៅហ្វាវាំងគង់សំអុល និង ឯកឧត្តម ទេសរដ្ឋមន្ត្រីគុយ សុផល ប្រគេននូវបច្ច័យ សារដក់ និង ទេយ្យទានជាច្រើនទៀតផងដែរ ដល់ព្រះសិរីធម្មញ្ញណ សុខ ថាន ព្រះមេគុណខេត្ត ក្នុងរដូវកាលបុណ្យចូលកាន់ព្រះវស្សានេះសម្រាប់ផ្គត់ផ្គង់ព្រះសង្ឃក្នុងរដូវចូលកាន់វស្សានេះ ៕

The post សម្តេចចៅហ្វាវាំង គង់ សំអុល នាំយកបច្ច័យនិងទេយ្យវត្ថុ ប្រគេនព្រះសិរីធម្មញ្ញាណ សុខ ថាន ព្រះមេគុណខេត្ត និងព្រះសង្ឃគង់ចាំព្រះវស្សា នៅវត្តអារញ្ញិការាម appeared first on MYFM News.

សម្ដេចចៅហ្វាវាំង គង់ សំអុល នាំយកព្រះរាជអំណោយព្រះមហាក្សត្រ និងសម្ដេចព្រះមហាក្សត្រី ចែកជូនប្រជារាស្រ្តរងគ្រោះដោយខ្យល់កន្រ្តាក់ នៅស្រុកសាមគ្គីមានជ័យ

myfm radio — Fri, 05 Jun 2020 03:37:11 +0000

សម្ដេចចៅហ្វាវាំងវរវៀងជ័យ អធិបតីស្រឹង្គារ៍ គង់ សំអុល ឧបនាយករដ្ឋមន្រ្ដី រដ្ឋមន្រ្តីក្រសួងព្រះបរមរាជវាំង និងជាព្រះរាជតំណាងដ៏ខ្ពង់ខ្ពស់របស់ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ និងឯកឧត្តម គុយ សុផល ឧត្តមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្រ្ដី ទទួលបន្ទុកកិច្ចការទូទៅអមក្រសួង ព្រះបរមរាជវាំង នាំយកព្រះរាជអំណោយចែកជូនប្រជារាស្រ្តរងគ្រោះដោយខ្យល់កន្រ្តាក់ ចំនួន៥៩គ្រួសារ ស្ថិតនៅ ឃុំពាម និងឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង នាថ្ងៃទី០៤ ខែមិថុនា ឆ្នាំ២០២០៕

The post សម្ដេចចៅហ្វាវាំង គង់ សំអុល នាំយកព្រះរាជអំណោយព្រះមហាក្សត្រ និងសម្ដេចព្រះមហាក្សត្រី ចែកជូនប្រជារាស្រ្តរងគ្រោះដោយខ្យល់កន្រ្តាក់ នៅស្រុកសាមគ្គីមានជ័យ appeared first on MYFM News.

សម្តេច គង់ សំអុល Archives - MYFM News