យន្តហោះ Archives - MYFM News

អាកាសយានដ្ឋានអន្តរជាតិភ្នំពេញ ធ្វើលំហាត់សមយុទ្ធទ្រង់ទ្រាយធំមួយលើប្រធានបទ «ការសង្គ្រោះចំណាប់ខ្មាំងលើយន្តហោះ»

myfm radio — Fri, 10 Jan 2020 21:40:26 +0000

សមយុទ្ធប្រចាំឆ្នាំក្រោមប្រធានបទ «ការសង្គ្រោះចំណាប់ខ្មាំងលើយន្តហោះ» ត្រូវបានធ្វើឡើងនៅថ្ងៃទី១០ ខែមករានៅអាកាសយានដ្ឋានអន្តរជាតិភ្នំពេញ ដោយមានចូលរួម អង្គភាពអន្តរាគមន៍ នានារួមមានដូចជា កងពលតូចថ្មើរជើងលេខ៧០ កងកម្មង់ដូ៩១១ កងកម្លាំងពិសេសប្រឆាំងភេរវកម្ម កងទ័ពអាកាស កងកម្លាំងសមត្ថកិច្ច និងបុគ្គលិកភ្នាក់ងារឯកជនដែលកំពុងបម្រើការក្នុងអាកាស យានដ្ឋានអន្តរជាតិភ្នំពេញ។

នៅក្នុងសន្និសីទសារព័ត៌មានក្រោយបិទបញ្ចប់លំហាត់សមយុទ្ធនេះ ឯកឧត្តម ជា អូន រដ្ឋលេខាធិការ នៃរដ្ឋលេខាធិការដ្ឋានអាកាសចរស៊ីវិល បានបញ្ជាក់ថា ការធ្វើលំហាត់សមយុទ្ធនេះ ក្នុងគោលបំណង ធានាសន្តិសុខ និងសុវត្ថិភាពនៃប្រតិបត្តិការអាកាសចរស៊ីវិល ជូនអ្នកដំណើរជាតិនិងអន្តរជាតិ ពិសេស ដើម្បីបង្ការនិងត្រៀមខ្លួនឆ្លើយតបជាបន្ទាន់ ចំពោះគ្រោះអាសន្ននានាដែលអាចកើតមានជាយថាហេតុ។

ឯកឧត្តម បានបន្ថែមថា ការធ្វើលំហាត់សមយុទ្ធទ្រង់ទ្រាយធំរបស់អាកាសចរស៊ីវិល ត្រូវបានកំណត់ឱ្យ ធ្វើនៅក្នុងនិងជុំវិញបរិវេណអាកាសយានដ្ឋានអន្តរជាតិ។ ហើយត្រូវអនុវត្តជាទៀងទាត់រៀងរាល់ ២ឆ្នាំម្តងចំពោះសមយុទ្ធទ្រង់ទ្រាយធំ ១ឆ្នាំម្តងសម្រាប់លំហាត់សមយុទ្ធតាមផ្នែក និង៦ខែម្តងសម្រាប់ លំហាត់សមយុទ្ធដែលបង្ហាញលើតុ ។

គួររំលឹកថា សមយុទ្ធប្រចាំឆ្នាំក្រោមប្រធានបទ «ការសង្គ្រោះចំណាប់ខ្មាំងលើយន្តហោះ» ដែលបានធ្វើឡើងនេះ គឺស្របតាមអនុសាសន៍ណែនាំរបស់អង្គការអាកាសចរស៊ីវិលអន្តរជាតិ ដែលតម្រូវឱ្យ រដ្ឋជាសមាជិករៀបចំធ្វើលំហាត់សមយុទ្ធទ្រង់ទ្រាយធំ នៅរៀងរាល់ពីរឆ្នាំម្តងនៅក្នុង និងជុំវិញ បរិវេនណអាកាសយានដ្ឋាន។

គួរបញ្ជាក់ថា កាលពីចុងឆ្នាំ២០១៩ កន្លងទៅ អាកាសយានដ្ឋានអន្ដរជាតិខេត្តសៀមរាប ក៏បានសហការ ជាមួយរដ្ឋបាលខេត្ត ធ្វើសមយុទ្ធស្តីពីការគ្រប់គ្រងគ្រោះអាសន្ននៅក្នុងបរិវេណអាកាសយានដ្ឋាន ។ គោលបំណងនៃសមយុទ្ធគ្រានោះ គឺដើម្បីធ្វើតេស្ដទៅលើឧបករណ៍រុករក និងសង្គ្រោះទៅលើការទំនាក់ទំនងរវាងអាកាសយានដ្ឋានអន្ដរជាតិជាមួយស្ថាប័នពាក់ព័ន្ធនានាក្នុងខេត្ត និងសាកល្បងសមត្ថភាពជួយសង្គ្រោះជនរងគ្រោះ ក៏ដូចជាការសង្គ្រោះបឋមនៅកន្លែងកើតហេតុ៕

The post អាកាសយានដ្ឋានអន្តរជាតិភ្នំពេញ ធ្វើលំហាត់សមយុទ្ធទ្រង់ទ្រាយធំមួយលើប្រធានបទ «ការសង្គ្រោះចំណាប់ខ្មាំងលើយន្តហោះ» appeared first on MYFM News.

កម្ពុជាត្រៀមធ្វើសមយុទ្ធសង្គ្រោះចំណាប់ខ្មាំងលើយន្តហោះ នៅអាកាសយានដ្ឋានអន្តរជាតិភ្នំពេញ

myfm radio — Tue, 07 Jan 2020 06:42:35 +0000

រដ្ឋលេខាធិការដ្ឋានអាកាសចរស៊ីវិល នឹងរៀបចំធ្វើលំហាត់សមយុទ្ធទ្រង់ទ្រាយធំ ក្រោមប្រធានបទ «ការសង្គ្រោះ ចំណាប់ខ្មាំងលើយន្តហោះ» នៅថ្ងៃទី១០ ខែមករា ឆ្នាំ២០២០ខាងមុខនេះ នៅអាកាសយានដ្ឋានអន្តរជាតិភ្នំពេញ។ នេះបើតាមលិខិតរបស់ ឯកឧត្តម ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិលផ្ញើជូនរដ្ឋមន្រ្តីក្រសួងព័ត៌មាន។

សមយុទ្ធប្រចាំឆ្នាំក្រោមប្រធានបទ «ការសង្គ្រោះចំណាប់ខ្មាំងលើយន្តហោះ» ដែលគ្រោងធ្វើនៅ ថ្ងៃទី១០ ខែមករា ខាងមុខនេះ នឹងមានការចូលរួមពីស្ថាប័ន កងកម្លាំងប្រដាប់អាវុធ រួមមានទាំង យន្តហោះ រថយន្តពន្លត់អគ្គីភ័យ រថយន្តពេទ្យ និងរថយន្តដឹកកងកម្លាំងប្រដាប់អាវុធ ជាដើម។

ក្នុងលិខិតនោះ ឯកឧត្តម ម៉ៅ ហាវណ្ណាល់ ក៏បានស្នើឱ្យរដ្ឋមន្រ្តីក្រសួងព័ត៌មាន ជួយអន្តរាគមន៍ ផ្សព្វផ្សាយព័ត៌មានពីសមយុទ្ធប្រចាំឆ្នាំនេះ តាមរយៈវិទ្យុ និងទូរទស្សន៍ទាំងអស់ ជូនសាធារណជន ឱ្យបានជ្រាប ដើម្បីបង្កលក្ខណៈងាយស្រួលក្នុងការប្រតិបត្តិការឱ្យបានរលូន និងទទួលបានជោគជ័យ ក៏ដូចជា ដើម្បីកុំឱ្យសាធារណជនមានការភ័ន្តច្រឡំពីព្រឹត្តិការណ៍នេះផងដែរ។

គួររំលឹកថា សមយុទ្ធប្រចាំឆ្នាំក្រោមប្រធានបទ «ការសង្គ្រោះចំណាប់ខ្មាំងលើយន្តហោះ» ដែលកម្ពុជាគ្រោងធ្វើនេះ គឺស្របតាមអនុសាសន៍ណែនាំរបស់អង្គការអាកាសចរស៊ីវិលអន្តរជាតិ ដែលតម្រូវឱ្យ រដ្ឋជាសមាជិករៀបចំធ្វើលំហាត់សមយុទ្ធទ្រង់ទ្រាយធំ នៅរៀងរាល់ពីរឆ្នាំម្តងនៅក្នុង និងជុំវិញបរិវេណអាកាសយានដ្ឋាន។

គួរបញ្ជាក់ថា កាលពីចុងឆ្នាំ២០១៩ កន្លងទៅ អាកាសយានដ្ឋានអន្ដរជាតិខេត្តសៀមរាបក៏បានសហការ ជាមួយរដ្ឋបាលខេត្ត ធ្វើសមយុទ្ធស្តីពីការគ្រប់គ្រងគ្រោះអាសន្ននៅក្នុងបរិវេណអាកាសយានដ្ឋាន ។ គោលបំណងនៃសមយុទ្ធគ្រានោះ គឺដើម្បីធ្វើតេស្ដទៅលើឧបករណ៍រុករក និងសង្គ្រោះទៅលើការទំនាក់ទំនងរវាងអាកាសយានដ្ឋានអន្ដរជាតិជាមួយស្ថាប័នពាក់ព័ន្ធនានាក្នុងខេត្ត និងសាកល្បងសមត្ថភាពជួយសង្គ្រោះជនរងគ្រោះ ក៏ដូចជាការសង្គ្រោះបឋមនៅកន្លែងកើតហេតុ៕

The post កម្ពុជាត្រៀមធ្វើសមយុទ្ធសង្គ្រោះចំណាប់ខ្មាំងលើយន្តហោះ នៅអាកាសយានដ្ឋានអន្តរជាតិភ្នំពេញ appeared first on MYFM News.