ចូលឆ្នាំ៣ថ្ងៃ ខេត្តកំពង់ឆ្នាំង មានភ្ញៀវទេសចរណ៍មកលេងកម្សាន្តជាង៣៦ម៉ឺននាក់

myfm radio — Sun, 17 Apr 2022 03:51:03 +0000

កំពង់ឆ្នាំង ៖ ពិធីបុណ្យចូលឆ្នាំថ្មីប្រពៃណីជាតិខ្មែរ រយៈពេល៣ថ្ងៃ ពោលគឺនៅពីថ្ងៃទី១៤ ១៥ និង១៦ ខែមេសា ឆ្នាំ២០២២ មានប្រជាពលរដ្ឋនិងភ្ញៀវទេសចរណ៍ បានមកចូលរួម លេងកម្សាន្តក្នុងខេត្តកំពង់ឆ្នាំង ប្រមាណជាង៣៦ម៉ឺននាក់ ។ នេះបើតាមការបញ្ជាក់របស់លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង នៅថ្ងៃទី១៧ ខែមេសា ឆ្នាំ២០២២។លោក សេង សាលី បានបន្តថា ក្នុងរយៈពេល៣ថ្ងៃ កន្លងមកនេះ បងប្អូនប្រជាពលរដ្ឋ បានដេីរលេងកម្សាន្តនិងលេងល្បែងប្រជាប្រិយ ប្រកបដោយភាពសប្បាយរីករាយក្រោមការរៀបចំដោយយកចិត្តទុកដាក់របស់រដ្ឋបាលខេត្តកំពង់ឆ្នាំង ។ ជាពិសេស ស្ថានភាពសន្តិសុខ សណ្តាប់ធ្នាប់មានភាពល្អប្រសើរដោយមិនមានបញ្ហាអ្វីកើតឡើងគួរអោយកត់សម្គាល់អ្វីឡើយ ។ គួរបញ្ជាក់ថា សម្រាប់ឆ្នាំនេះការរៀបចំសង្រ្កាន្តក្នុងខេត្តកំពង់ឆ្នាំង ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរឆ្នាំនេះ ធ្វើឡើងរយៈពេល ០៣ថ្ងៃ ចាប់ពីថ្ងៃទី១៤ ១៥ និង១៦ ខែមេសា ឆ្នាំ២០២២។ កម្មវិធីសង្រ្កាន្តអបអរឆ្នាំថ្មីក្នុងខេត្តកំពង់ឆ្នាំងឆ្នាំនេះ មានរៀបចំកម្មវិធីកម្សាន្តសប្បាយជាច្រើន រួមមាន ការលេងល្បែងប្រជាប្រិយប្រពៃណីជាតិផ្សេងទៀតការតាំងបង្ហាញគំនូរសិល្បៈ ការប្រគំតន្ត្រី និង រាំកម្សាន្តជាដើម ៕អត្ថបទ៖ សុគន្ធារី

The post ចូលឆ្នាំ៣ថ្ងៃ ខេត្តកំពង់ឆ្នាំង មានភ្ញៀវទេសចរណ៍មកលេងកម្សាន្តជាង៣៦ម៉ឺននាក់ appeared first on MYFM News.

រដ្ឋបាលខេត្តកំពង់ឆ្នាំង ហាមដាច់ខាតការក្រាលកន្ទេលជួបជុំអង្គុយហូបអាហារ ផឹកស៊ី និងចាក់ធុងបាស នៅតាមសួនច្បារ និងរមណីយដ្ឋាននានា

myfm radio — Tue, 06 Apr 2021 09:30:20 +0000

កំពង់ឆ្នាំង៖ ដើម្បីពង្រឹងវិធានការទប់ស្កាត់ការឆ្លងរាលដាលជំងឺកូវីដ-១៩ និងពង្រឹងសន្តិសុខ សុវត្ថិភាព សណ្តាប់ធ្នាប់សាធារណៈ អនាម័យ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ រដ្ឋបាលខេត្តកំពង់ឆ្នាំង ហាមដាច់ខាតចំពោះការក្រាលកន្ទេលអង្គុយហូបអាហារ ផឹកស៊ី ចាក់ធុងបាស ដូចធ្លាប់មានជារៀងរាល់ឆ្នាំ គ្រប់រូបភាពណា នៅតាមរមណីយដ្ឋាននានា សួនច្បារ កន្លែងកំសាន្តផ្សេងៗ ។ នេះបើយោងតាមសេចក្តីណែនាំស្តីពីការពង្រឹងវិធានការមួយចំនួន ដើម្បីទប់ស្កាត់ការឆ្លងរាលដាលជំងឺកូវីដ-១៩ និង ពង្រឹងសន្តិសុខ សុវត្ថិភាព សណ្តាប់ធ្នាប់សាធារណៈ អនាម័យ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ កាលពីថ្ងៃទី០៥ ខែមេសា ។

រដ្ឋបាលខេត្តកំពង់ឆ្នាំង បានបញ្ជាក់ថា នៅតាមរមណីយដ្ឋាននានា សួនច្បារ កន្លែងកំសាន្តផ្សេងៗ ដែលបងប្អូនប្រជាពលរដ្ឋអាចដើរកំសាន្ដ ដោយមធ្យោបាយ រថយន្ត ឬម៉ូតូ ឬថ្មើរជើង ក្នុងនោះត្រូវគោរពតាមវិធានការសុខាភិបាលយ៉ាងម៉ឺងម៉ាត់។

ជាមួយគ្នានោះ រដ្ឋបាលខេត្តកំពង់ឆ្នាំង ក៏ហាមឃាត់ជាដាច់ខាតទោះក្រោមរូបភាពណាក៏ដោយ ចំពោះពិធីជួបជុំផឹកស៊ី រាំកំសាន្ត ជប់លៀង ខារ៉ាអូខេ ភ្លឹប ប្រគុំតន្ត្រី ការលេងល្បែងកំសាន្ត និងការចល័តមកដាក់តាំងលក់ទំនិញជាដើម។

គួរបញ្ជាក់ថា វិធានការនេះ តម្រូវអោយអនុវត្តចាប់ពីថ្ងៃទី០៥ ខែមេសា ឆ្នាំ២០២១ រហូតដល់មានការណែនាំថ្មី៕

The post រដ្ឋបាលខេត្តកំពង់ឆ្នាំង ហាមដាច់ខាតការក្រាលកន្ទេលជួបជុំអង្គុយហូបអាហារ ផឹកស៊ី និងចាក់ធុងបាស នៅតាមសួនច្បារ និងរមណីយដ្ឋាននានា appeared first on MYFM News.

ចូលឆ្នាំខ្មែរ Archives - MYFM News

ចូល​ឆ្នាំ៣​ថ្ងៃ ខេត្តកំ​ពង់ឆ្នាំង ​មា​ន​ភ្ញៀវ​ទេស​ចរណ៍មក​លេង​កម្សាន្ត​ជាង​​៣៦​ម៉ឺន​​នាក់

ចូលឆ្នាំ៣ថ្ងៃ ខេត្តកំពង់ឆ្នាំង មានភ្ញៀវទេសចរណ៍មកលេងកម្សាន្តជាង៣៦ម៉ឺននាក់