កំពង់ត្រឡាច Archives - MYFM News

កុមារាម្នាក់ស្លាប់និង៥នាក់ទៀត កំពុងសង្រ្គោះនៅមន្ទីរពេទ្យដោយសារនាំគ្នាយកសត្វគីង្គក់ទៅដុតបរិភោគ

myfm radio — Thu, 04 Mar 2021 09:29:38 +0000

កំពង់ឆ្នាំង ៖ កុមារាម្នាក់បានស្លាប់ នៅពេលបញ្ជូនទៅកាន់មន្ទីរពេទ្យ និងកុមារ៥នាក់ផ្សេងទៀត មានអាការ:ធ្ងន់និងស្រាល កំពុងសង្រ្គោះបន្ទាន់នៅមន្ទីរពេទ្យ ក្រោយពីពួកគេបាននាំគ្នាយកសត្វគីង្គក់ទៅដុតយកមកបរិភោគ ។ ហេតុការណ៍ ពុលសត្វគីង្គក់នេះ បានកើតឡើងកាលពីវេលាម៉ោង១២និង៣០នាទី ថ្ងៃទី៣ ខែមីនា ឆ្នាំ២០២១ នៅភូមិរពាំងភ្នៅ ឃុំច្រេស ស្រុកកំពង់ត្រឡាច ខេត្តកំពង់ឆ្នាំង។

លោក រ៉ន សុភ័ណ្ឌ អភិបាលរងស្រុកកំពង់ត្រឡាច បានប្រាប់ឲ្យដឹង នៅព្រឹកថ្ងៃទី៤ ខែមីនា នេះថាក្មេងដែលស្លាប់ក្នុងករណីនេះឈ្មោះ ត្រុង វាសនា ភេទប្រុស អាយុ១ឆ្នាំ៨ខែ រស់នៅភូមិឃុំខាងលើ ។

លោក បានបញ្ជាក់ទៀតថា នៅមុនពេលកើតហេតុ មានក្មេងតូចធំចំនួន៦នាក់ បានយកសត្វគីង្គក់ មកដុតចែកគ្នាហូប ក្រោយពីហូបសត្វគីង្គក់ដែលដុតនេះរួចមក នៅវេលាម៉ោងជាង១២ក៍ស្រាប់តែមានអាការៈពុលក្អតចង្អោរ ពេលឪពុកម្តាយសួរនាំទើបបានដឹងថា ក្មេងទាំង៦នាក់នេះពុលដោយសារបានហូបសត្វគីង្គក់ ។

ក្រោយពីដឹងភ្លាម ក៏បានដឹកក្មេងរងគ្រោះទាំង៦នាក់នេះមកសង្រ្គោះនៅមន្ទីរពេទ្យបង្អែកស្រុកកំពង់ត្រឡាច ដើម្បីជួយសង្រ្គោះ ។ ប៉ុន្តែក្មេងប្រុសឈ្មោះត្រុង វាសន ដោយសារមានអាការៈធ្ងន់ធ្ងរពេក ក៏បានស្លាប់នៅមន្ទីរពេទ្យតែម្តង ចំណែក្មេង៥នាក់ទៀតក្រុមគ្រូពេទ្យបានជួយសង្រ្គោះ និង កំពុងសម្រាកព្យាលបាលនៅមន្ទីរពេទ្យបង្អែកស្រុកកំពង់ត្រឡាច ។

នៅព្រឹកថ្ងៃទី៤ ខែមីនានេះ មន្ត្រីកាកបាទក្រហមកម្ពុជាស្រុកកំពង់ត្រាឡាច បានចូលរួមរំលែកទុក្ខ និង នាំយកអំណោយរបស់កាកបាទក្រហមទៅចែកជូនដល់ក្រុមគ្រួសារសពផងដែរ ៕

The post កុមារាម្នាក់ស្លាប់និង៥នាក់ទៀត កំពុងសង្រ្គោះនៅមន្ទីរពេទ្យដោយសារនាំគ្នាយកសត្វគីង្គក់ទៅដុតបរិភោគ appeared first on MYFM News.

ក្រុមការងារចុះមូលដ្ឋានស្រុកកំពង់ត្រឡាច អំពាវនាវឲ្យពលរដ្ឋចូលរូមអនុវត្តតាមការណែនាំរបស់ក្រសួងសុខាភិបាល ដើម្បីទប់ស្កាត់ការរីករាលដាលជំងឺកូវីដ-១៩

myfm radio — Wed, 17 Feb 2021 04:41:30 +0000

កំពង់ឆ្នាំង៖ លោកជំទាវ ម៉ាត់ ម៉ារ៉ា រដ្ឋលេខាធិការក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់ត្រឡាច បានអំពាវនាវឲ្យពលរដ្ឋបន្តចូលរួមប្រុងប្រយ័ត្ន និងធ្វើអនាម័យជាប់ជាប្រចាំ ដោយអនុវត្តតាមការណែនាំរបស់ក្រសួងសុខាភិបាលអោយបានម៉ឺងម៉ាត់ ដើម្បីការពារ និងទប់ស្កាត់ការរីករាលដាលនៃជំងឺ COVID-១៩ កុំអោយកើតក្នុងគ្រួសារ និង នៅក្នុងសហគមន៍។ ការអំពាវនាវរបស់លោកជំទាវ ដូចនេះបានធ្វើឡើង នៅក្នុងវេទិកាសាធារណៈរបស់ក្រុមការងាររាជរដ្ឋាភិបាលចុះមូលដ្ឋានស្រុកកំពង់ត្រឡាច នៅសាលាឃុំអំពិលទឹក កាលពីថ្ងៃទី១៦ ខែកុម្ភៈ ឆ្នាំ២០២១។

លោកជំទាវ ម៉ាត់ ម៉ារ៉ា បានបន្តថា រាជរដ្ឋាភិបាលកម្ពុជាដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី នៃព្រះរាជាណាចក្រកម្ពុជា បានខិតខំអភិវឌ្ឍន៍រីកចំរើនលើគ្រប់វិស័យ និងបានគិតគូរពីសុខទុក្ខប្រជាពលរដ្ឋគ្រប់ទីកន្លែងនិងគ្រប់ពេលវេលា។ជាមួយគ្នានោះ លោកជំទាវ ក៏បានផ្តាំផ្ញើប្រជាពលរដ្ឋទាំងអស់ សូមចូលរួមថែរក្សាសន្តិភាព ចូលរួមគោរពច្បាប់ផ្សេងៗរបស់រដ្ឋ ខិតខំបង្កើនមុខរបបប្រចាំថ្ងៃ អប់រំកូនចៅអោយខិតខំរៀនសូត្រជៀសអោយឆ្ងាយពីគ្រឿងញៀននិងអំពើអបាយមុខផ្សេងៗដែលសង្គមស្អប់ខ្ពើម៕

The post ក្រុមការងារចុះមូលដ្ឋានស្រុកកំពង់ត្រឡាច អំពាវនាវឲ្យពលរដ្ឋចូលរូមអនុវត្តតាមការណែនាំរបស់ក្រសួងសុខាភិបាល ដើម្បីទប់ស្កាត់ការរីករាលដាលជំងឺកូវីដ-១៩ appeared first on MYFM News.

នគរបាលស្រុកកំពង់ត្រឡាច ចុះជួយច្រូតប្រមូលផលស្រូវប្រជាពលរដ្ឋ

myfm radio — Wed, 09 Dec 2020 13:19:28 +0000

កម្លាំងអធិការដ្ឋាននគរបាលស្រុកកំពង់ត្រឡាច នៅព្រឹកថ្ងៃទី៩ ខែធ្នូ ឆ្នាំ២០២០ ដឹកនាំដោយលោកវរសេនីយ៍ទោ អ៊ុ ចំរើន អធិការរងនគរបាលស្រុកកំពង់ត្រឡាច បានចុះជួយច្រូតប្រមូលផលស្រូវប្រជាពលរដ្ឋ នៅឃុំពានី ស្រុកកំពង់ត្រឡាច ៕

The post នគរបាលស្រុកកំពង់ត្រឡាច ចុះជួយច្រូតប្រមូលផលស្រូវប្រជាពលរដ្ឋ appeared first on MYFM News.

ផ្ទះក្បឿងមួយខ្នងនៅស្រុកកំពង់ត្រឡាច ខេត្តកំពង់ឆ្នាំង ត្រូវអគ្គីភ័យឆេះបំផ្លាញទាំងស្រុង

myfm radio — Thu, 07 May 2020 02:44:00 +0000

កំពង់ឆ្នាំង៖ ផ្ទះក្បឿងមួយខ្នងត្រូវភ្លើងឆេះបំផ្លាញទាំងស្រុង កាលពីវេលាម៉ោងជាង៧យប់ ថ្ងៃទី៦ ខែឧសភា ឆ្នាំ ២០២០ នៅចំណុចភូមិអូរូង ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ។

នគរបាលមូលដ្ឋាន បានឲ្យដឹងថា ផ្ទះដែលត្រូវបំផ្លាញដោយគ្រោះអគ្គិភ័យនេះមានទំហំ៦,៥ម៉ែត្រ គុណ១៣ម៉ែត្រ ដំបូល
ប្រក់ក្បឿង ជញ្ជាំងក្តារ (ឈើលើ ថ្មក្រោម) ម្ចាស់ផ្ទះឈ្មោះ នី សាលី ភេទស្រី អាយុ៦៦ឆ្នាំ ។

ចំពោះមូលហេតុដែលបង្កអោយមានគ្រោះអគ្គីភ័យនេះ បណ្តាលមកពីការឆ្លងចរន្តអគ្គីសនី ហើយគ្រោះអគ្គីភ័យនេះមិនបណ្តាលឲ្យប៉ះពាល់គ្រោះថ្នាក់ដល់ជីវិតមនុស្ស និងឆេះរាលដាលដល់ផ្ទះអ្នកជិតខាងនោះឡើយ។

គួរបញ្ជាក់ថា ក្នុងករណីអគ្គីភ័យនេះកម្លាំងនគរបាលស្រុកកំពង់ត្រឡាចបានសហការជាមួយកម្លាំងនគរបាលស្រុកសាមគ្គីមានជ័យ ដោយប្រើប្រាស់ទឹកបាញ់ពន្លត់អស់ចំនួន ០៣រថយន្ត ៕

The post ផ្ទះក្បឿងមួយខ្នងនៅស្រុកកំពង់ត្រឡាច ខេត្តកំពង់ឆ្នាំង ត្រូវអគ្គីភ័យឆេះបំផ្លាញទាំងស្រុង appeared first on MYFM News.

ជនចាស់ជរា ២០គ្រួសារនៅឃុំឈូកស ស្រុកកំពង់ត្រឡាច ទទួលបានអំណោយពីលោកជំទាវ កុប ម៉ារីយ៉ាស់ អ្នកតំណាងរាស្រ្តមណ្ឌលកំពង់ឆ្នាំង

myfm radio — Sat, 18 Apr 2020 02:59:50 +0000

ជនចាស់ជរាជួបបញ្ហាខ្វះខាតក្នុងជីវភាពប្រចាំថ្ងៃចំនួន២០គ្រួសារ នៅឃុំឈូកស ស្រុកកំពង់ត្រឡាច ខេត្តកំពង់ឆ្នាំង ទទួលបានអំណោយសប្បុរសធម៌ ពីលោកជំទាវ កុប ម៉ារីយ៉ាស់ អ្នកតំណាងរាស្រ្តមណ្ឌលកំពង់ឆ្នាំង កាលពីថ្ងៃទី១៧ ខែមេសា ឆ្នាំ២០២០ ។ជនចាស់ជរាដែលជួបបញ្ហាខ្វះខាតក្នុងជីវភាពប្រចាំថ្ងៃទាំង ២០គ្រួសារនោះ ជាប្រជាពលរដ្ឋរស់នៅក្នុងភូមិចំនួន៣ រួមមានភូមិទួល ភូមិក្រសះថ្មី ភូមិអូររូង របស់ឃុំឈូកស ស្រុកកំពង់ត្រឡាច ។

គួរបញ្ជាក់ថា អំណោយសប្បុរសធម៌ ដែលលោកជំទាវ កុប ម៉ារីយ៉ាស់ អ្នកតំណាងរាស្រ្តមណ្ឌលកំពង់ឆ្នាំង ផ្តល់ជូននោះរួមមាន ក្នុង១គ្រួសារទទួលបាន អង្ករ១០គីឡូក្រាម មី០១កេះ ដំណាប់ល្មើ ០១គីឡូក្រាម ម៉ាស់ អាល់កុលលាងដៃ ថ្នាំផ្ដាសសាយ សាប៊ូលាងដៃ ៕ អត្ថបទ៖ សុគន្ធារី

The post ជនចាស់ជរា ២០គ្រួសារនៅឃុំឈូកស ស្រុកកំពង់ត្រឡាច ទទួលបានអំណោយពីលោកជំទាវ កុប ម៉ារីយ៉ាស់ អ្នកតំណាងរាស្រ្តមណ្ឌលកំពង់ឆ្នាំង appeared first on MYFM News.

សិស្សវិទ្យាល័យ ជា ស៊ីម ស្រុកកំពង់ត្រឡាច ដណ្តើមបានជ័យលាភីលេខ១ ផ្នែកស្មូតកំណាព្យ ប្រចាំខេត្តកំពង់ឆ្នាំង

myfm radio — Fri, 10 Jan 2020 18:41:19 +0000

កំពង់ឆ្នាំង ៖សិស្សមកពីវិទ្យាល័យ ជា ស៊ីម ស្រុកកំពង់ត្រឡាច យុវតី ហ៊ល លំអង ដណ្តើមបានជ័យលាភីលេខ១ ប្រចាំខេត្តកំពង់ឆ្នាំង ផ្នែកស្មូតកំណាព្យ បន្ទាប់ពីបានធ្វើការប្រកួតប្រជែងនិងវាយតម្លៃយ៉ាងត្រឹមត្រូវពីគណកម្មការ ។

បេក្ខជនដែលទទួលបានជ័យលាភីថ្នាក់ខេត្ត នឹងត្រូវទៅចូលរួមប្រកួតថ្នាក់ជាតិដណ្តើមពានរង្វាន់ស្មូតកំណាព្យ សម្តេចអគ្គមហាសេនាបតីតេជោ ហ៊ុន សែន សម្រាប់ឆ្នាំ២០២០ខាងមុខ ។

សូមបញ្ជាក់ថា នៅថ្ងៃទី១០ ខែមករា ឆ្នាំ២០២០ មានបេក្ខជន បេក្ខនារី ជាសិស្សានុសិស្សចំនួន២៤នាក់ មកពីសាលានានាក្នុងខេត្តកំពង់ឆ្នាំង បានចូលរួមប្រឡងដណ្តើមជ័យលាភីថ្នាក់ខេត្តលើការតែងនិពន្ធ ស្មូតកំណាព្យ និង អំណាន ដោយមានការវាយតម្លៃរបស់គណៈកម្មការ ជាមន្ត្រីមកពីមន្ទីរវប្បធម៌និងវិចិត្រសិល្បៈ មន្ទីរព័ត៌មានខេត្ត និង មន្ទីរអប់រំយុវជន និងកីឡាខេត្តកំពង់ឆ្នាំង ។

ការប្រឡងប្រកួតប្រជែងដណ្តើមជ័យលាភីនេះ ធ្វើឡើងនៅមន្ទីរអប់រំយុវជននិងកីឡាខេត្តកំពង់ឆ្នាំង ក្រោមអធិបតីភាព លោក ស៊ឹម ប្រឹមប្រធានមន្ទីរអប់រំ យុវជន និងកីឡាខេត្តកំពង់ឆ្នាំង ។

The post សិស្សវិទ្យាល័យ ជា ស៊ីម ស្រុកកំពង់ត្រឡាច ដណ្តើមបានជ័យលាភីលេខ១ ផ្នែកស្មូតកំណាព្យ ប្រចាំខេត្តកំពង់ឆ្នាំង appeared first on MYFM News.

កំពង់ត្រឡាច Archives - MYFM News

នគរ​​​បា​ល​ស្រុក​កំព​ង់​ត្រឡាច​ ចុះជួ​យច្រូត​ប្រមូល​ផល​ស្រូវ​ប្រជា​ពល​រដ្ឋ​

ផ្ទះ​ក្បឿង​មួយ​ខ្នង​នៅ​ស្រុក​​កំពង់​​ត្រឡាច ​ខេត្តកំ​ពង់​ឆ្នាំង​ ត្រូវអគ្គីភ័យ​ឆេះ​បំផ្លាញ​ទាំង​ស្រុង

សិស្សវិទ្យាល័យ ជា ស៊ីម ស្រុកកំពង់ត្រឡាច ដណ្តើមបានជ័យលាភីលេខ១ ផ្នែកស្មូតកំណាព្យ ប្រចាំខេត្តកំពង់ឆ្នាំង

នគរបាលស្រុកកំពង់ត្រឡាច ចុះជួយច្រូតប្រមូលផលស្រូវប្រជាពលរដ្ឋ

ផ្ទះក្បឿងមួយខ្នងនៅស្រុកកំពង់ត្រឡាច ខេត្តកំពង់ឆ្នាំង ត្រូវអគ្គីភ័យឆេះបំផ្លាញទាំងស្រុង